+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Maıbulaq shatqalynda adasyp ketken erli-zaıypty qarııalar qutqaryldy

2020 jylǵy 8 tamyz 01:24
Bólisińiz:
Maıbulaq shatqalynda adasyp ketken erli-zaıypty qarııalar qutqaryldy

TÚRKІSTAN. QazAqparat – Túrkistan oblysyndaǵy Maıbulaq shatqalynda 1100-1300 metr bıiktikke shyǵyp, adasyp ketken erli-zaıyptylar qutqaryldy. 73 jastaǵy qarııa men onyń 58 jastaǵy jubaıy taý betkeıindegi ózine tıesili jer ýchaskesine barǵan, dep habarlaıdy QazAqparat tilshisi.

Shymkent qalalyq TJD baspasóz qyzmetiniń málimetinshe, 112 nómirine keshki saǵat 20:30 shamasynda eki adamnyń taýda adasyp ketkeni týraly habar túsken.

Tez arada oqıǵa ornyna Tólebı aýdanynyń tótenshe jaǵdaılar bólimi men Shymkent qalasynyń TJD jedel qutqarý jasaǵy, aýdan ákimdigi men polıtsııa bóliminiń qyzmetkerleri jáne jedel járdem qyzmeti jetken.

Oqıǵa ornynda arnaıy shtab qurylyp, izdestirý-qutqarý jumystary bastaldy. Sala mamandary bul jumystyń taýda óte qıyn jaǵdaıda júrgizilgenin aıtady. Sebebi, taýǵa ketkenderdiń qaı jerde joǵalǵany týraly málimet joq jáne aınala qarańǵy, sondaı-aq shatqal bıiktigi men oǵan baratyn joldar qaýipti - munyń bári izdeý jumystaryn edáýir qıyndatqan.

Soǵan qaramastan taýda adasqandar kelesi kúni tańǵy saǵat 07:00 kezinde tabylǵan. Olarǵa jyly kıim berilip, alǵashqy medıtsınalyq kómek kórsetilgen.

Qutqarylǵandar ózderin jetkizgen kólikten adasyp, jol taba almaı qalǵanyn aıtqan.

Aıta keteıik, qutqarýshylar óz ómirin qaýipke tigip ári ekstremaldy jaǵdaıda is-qımyl jasaǵan. Olardyń sheberliginiń arqasynda taý betkeıinde qalǵan aýyl turǵyndary aman-esen úıine oraldy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT