+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Máýlen Áshimbaev Joldaý týraly: Prezıdent Ulttyq qordan alynatyn transfertterdiń kóbeıgenine nazar aýdardy

2021 jylǵy 2 qyrkúıek 08:58
Bólisińiz:
Máýlen Áshimbaev Joldaý týraly: Prezıdent Ulttyq qordan alynatyn transfertterdiń kóbeıgenine nazar aýdardy

NUR-SULTAN. QazAqparat - Bul týraly Senat Tóraǵasy Máýlen Áshimbaev Prezıdenttiń keshegi joldaýyna qatysty pikir bildirdi, dep habarlaıdy QazAqparat Senattyń baspasóz qyzmetine silteme jasap.

Uqsas jańalyqtar

«Memleket basshysy Qazaqstan halqyna arnalǵan Joldaýyn jarııalap, elimizdiń aldynda turǵan negizgi basymdyqtar men maqsat-mindetterdi anyqtap berdi. Osy rette, aldymen, bıylǵy Joldaýdyń naqtylyǵyn atap ótken jón. Prezıdentimiz koronavırýs pandemııasyn jáne sonyń saldarynan bolǵan ekonomıkalyq daǵdarysty eńserýdiń, sondaı-aq, qazaqstandyqtardyń ál-aýqatyn arttyrýdyń naqty josparyn jasap berdi. Jańa qujatta qazirgi tańda qoǵamdy alańdatqan mańyzdy máseleler qamtylǵan jáne olardy sheshý joldary usynylǵan.

Joldaýda belgilengen basymdyqtar Memleket basshysynyń strategııalyq baǵdaryn dáıekti túrde iske asyrýdy kózdeıdi. Birinshi kezekte, shaǵyn jáne orta bıznesti keń kólemde qoldaý sharalary ári qaraı jalǵasady. Prezıdentimiz «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń tıimdiligin atap ótip, olardyń merzimin ári qaraı uzartýdy tapsyrdy. Soǵan sáıkes qazaqstandyq bıznesti qoldaý jalǵasa beredi.

Memleket basshysy sońǵy kezde bıýdjettiń shyǵys bóligindegi mindettemelerdi oryndaý úshin bıýdjet tapshylyǵy ulǵaıyp, Ulttyq qordan alynatyn transfertter kóbeıip bara jatqanyna nazar aýdardy. Soǵan baılanysty bıýdjettik tártipti saqtaý qajettigin aıtty. Bul másele Senat otyrystarynda bıýdjetti qaraý kezinde birneshe ret kóterilgen edi. Odan bólek, el Prezıdenti Úkimet pen Ulttyq bankke memleket qarjysyn basqarýdy retteıtin bólek Tujyrymdama ázirleýdi tapsyrdy», - dedi Senat Tóraǵasy.

Máýlen Áshimbaevtiń pikirinshe, Joldaýda áleýmettik problemalarǵa aıryqsha basymdyq berilgen. Oǵan indettiń halyqtyń tabysy men áleýmettik ahýalyna aıtarlyqtaı zardabyn tıgizýi sebep ekeni sózsiz.

«Osy rette Memleket basshysynyń eń tómengi jalaqyny 42 myńnan 60 myńǵa deıin kóterý, qyzmetkerleriniń eńbekaqysyn kóbeıtken jumys berýshilerge jeńildikter berý, eńbekaqy tóleý qoryna túsetin júktemeni azaıtý jáne bıznes úshin biryńǵaı tólem engizý sııaqty bastamalary qazaqstandyqtardyń tabysyn arttyrýǵa arnalyp otyrǵanyn aıtqan abzal.

Prezıdentimizdiń mektepterdegi oryn tapshylyǵyn joıý boıynsha bergen naqty tapsyrmasy da óte ózekti. Soǵan sáıkes 2025 jylǵa deıin salynýǵa tıis mektepter sany 800-den 1000-ǵa deıin kóbeıtildi. Joldaýda zeınetaqy jınaqtaryn paıdalaný arqyly qazaqstandyqtardyń turǵyn úı máselesin sheshýge arnalǵan qosymsha sharalar da aıtyldy.

Sondaı-aq, Memleket basshysy ınflıatsııany 4-6 paıyz deńgeıinde ustap turý týraly naqty tapsyrma berip, azyq-túlik baǵasynyń baqylaýsyz ósýine jol bermeý qajettigin aıtty», - dedi ol.

Sonymen qatar, M. Áshimbaev Joldaýdyń aýqymdy bóligi óńirler men aýyl-aımaqty damytý máselesine arnalǵanyna toqtaldy.

«Senatorlar negizinen óńirlerdiń ókilderinen saılanatyndyqtan, Memleket basshysynyń bul baǵyttaǵy tapsyrmalary bizdiń Palata úshin asa mańyzdy.

Barlyq deńgeıdegi ákimderdiń jumysyn baǵalaý tásilin ońtaılandyrý, óńirlerdiń áleýmettik-ekonomıkalyq damýyndaǵy teńsizdikti azaıtý jáne olardyń qarjylyq derbestigin arttyrý boıynsha tapsyrmalar berildi. Elimizdiń ishki baılanysyn jaqsartý úshin kólik ınfraqurylymyna qatysty buǵan deıin bastalǵan barlyq jobany aıaqtaý kerektigi de aıtyldy.

Memleket basshysy sý resýrstaryn únemdi paıdalaný máselesine nazar aýdaryp, tıisti organdardyń aldyna sý ınfraqurylymyn jańǵyrtý, ónerkásip pen ekonomıkany ekologııalyq tazartý jáne elimizdiń energetıkalyq qaýipsizdigin qamtamasyz etý mindetterin qoıdy. Joldaýda aýyl turǵyndaryn alańdatyp otyrǵan jaıylymdyq jerlermen qamtamasyz etý máselesi de sóz boldy.

Prezıdentimiz memlekettik apparatqa ebin taýyp ornynda otyra berýge jáne tapsyrmalardy oryndaýdan jaltarýǵa eshqandaı jol berilmeıtinin shegelep turyp aıtyp, negizgi basymdyqtardy naqty kórsetip berdi. Qazirgi tańda elimiz damýdyń sheshýshi kezeńine qadam basty. Sondyqtan memlekettik apparat birtutas qurylym retinde jumys isteýge mindetti.

Bul rette Parlamentke de Prezıdent bastamalary men tapsyrmalaryn iske asyrýǵa arnalǵan zańdardy der kezinde qabyldaý mindeti júktelip otyr. Parlament Senaty osy baǵytta barlyq múddeli tarappen birlesip jumys isteýge jáne Memleket basshysynyń elimizdi jańǵyrtý baǵdaryn iske asyrýǵa óz úlesin qosýǵa daıyn», - dep tolyqtyrdy Senat Tóraǵasy.

Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.
Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT