+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Máýlen Áshimbaev XVII Eýrazııalyq medıa forýmǵa qatysty

2021 jylǵy 16 qyrkúıek 15:14
Bólisińiz:
Máýlen Áshimbaev XVII Eýrazııalyq medıa forýmǵa qatysty

NUR-SULTAN. QazAqparat – Senat Tóraǵasy Máýlen Áshimbaev XVII Eýrazııalyq medıa forýmyna qatysty. Bul týraly ol jelidegi paraqshasynda jazdy, dep habarlaıdy QazAqparat.

«Búgin XVII Eýrazııalyq medıa forýmǵa qatystym. Bıylǵy forýmda dúnıe júzin alańdatqan birqatar mańyzdy máseleler keńinen talqylanyp jatyr. Іs-sharaǵa qatysýshylar pandemııamen kúres, densaýlyq, qaýipsizdik, yntymaqtastyq jáne basqa da baǵyttar boıynsha óz oılaryn bildirip, usynys-pikirlerimen bólisýde.

Biz qatysqan plenarlyq sessııa Qazaqstan Táýelsizdiginiń 30 jyldyǵyna arnaldy. Osy jyldar ishinde Qazaqstan egemen el retinde tolyq qalyptasyp, aıtarlyqtaı jetistikterge qol jetkizdi. Shyn máninde, biz bar bolǵany úsh onjyldyqta ordaly elge aınaldyq. Shekaramyzdy shegendep, ekonomıka men ishki jáne syrtqy saıasatta jasampaz sheshimder qabyldadyq. Táýelsiz memleket qurý jolynda salıqaly qadamdar jasadyq. Árıne, áli de bolsa jetildiretin, tolyqtyratyn tustarymyz bar ekeni belgili. Aldaǵy ýaqytta sonyń bárin eńserip, eldigimizdi eńseli ete túsemiz dep senemin. Oǵan bizdiń áleýetimiz de, múmkindigimiz de tolyq jetedi», - dep jazdy Senat Tóraǵasy.

Ol sondaı-aq qazirgi tańda biz úshin Táýelsizdikten asqan qundylyq joq. Sondyqtan egemendikti odan ári nyǵaıtý – barsha qazaqstandyqtyń abyroıly mindeti ekenin jetkizdi.

«Osy jolda ashyqtyq pen toleranttylyq asa mańyzdy. Sol sebepti Qazaqstan táýelsizdiktiń alǵashqy kúninen bastap búkil álemmen ashyq qarym-qatynas ornatyp, ınnovatsııaǵa, ǵylym men bilimge jáne ózara yntymaqtastyqqa basa mán berip keledi.

Bul rette búgingi Forýmnyń da mańyzy zor. Qazaq eliniń álemge jahandyq máselelerdi talqylaıtyn osyndaı alań usynýynyń ózi ashyqtyqtyń jarqyn kórinisi. Bıyl is-shara onlaın formatty qoldanyp ótkizilgenine qaramastan, ádettegideı álemge belgili ári bilikti spıkerler men sarapshylar jumyldyrylǵan. Soǵan baılanysty kóptegen ózekti máseleniń sheshimin tabý úshin osyndaı jıyndardyń bereri mol dep esepteımin jáne Forýmnyń aldaǵy jumysyna sáttilik pen tabys tileımin», - dep tolyqtyrdy ol.


Bizdiń kanalymyzǵa jazylyńyz:

#Senat   #BAQ   #Qoǵam  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT