+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Máýlen Áshimbaev shekara mańyndaǵy eldi mekenderdiń mańyzy týraly aıtty

2020 jylǵy 23 qazan 11:14
Bólisińiz:
Máýlen Áshimbaev shekara mańyndaǵy eldi mekenderdiń mańyzy týraly aıtty

NUR-SULTAN. QazAqparat – Aýyldardy memlekettik qoldaý túrli baǵdarlamalardyń tasasynda qalyp keledi. Bul týraly QR Parlamenti Senatynyń Tóraǵasy Máýlen Áshimbaev málim etti, dep habarlaıdy QazAqparat tilshisi.

«Aýyl turǵyndarynyń tabys deńgeıi tómen ekenin bilemiz. Aýyldan kóshý qarqyny da báseńdemeı otyr. Negizinen jastar, eńbekke jaramdy adamdar ketip jatyr. Sonyń saldarynan halyqtyń qartaıý úderisi beleń alýda. Aýyldaǵy eń basty máselelerdiń biri – jumyssyzdyq. Qysqa merzimde oqytý jáne qaıta oqytý sııaqty múmkindikter qarastyrylsa da, qazirgi jumyspen qamtý baǵdarlamalary turǵyndardy tolyq qamtı almaýda», - dedi M. Áshimbaev Senattaǵy aýyldyq aýmaqtardy damytý jónindegi parlamenttik tyńdaýda.

Onyń aıtýynsha, aýyldaǵy kásipkerlik te tıisti deńgeıde damymaı otyr. 2019 jyldyń qorytyndysy boıynsha aýyldyq jerlerde jumys isteıtin 412 myń shaǵyn jáne orta kásipkerlik sýbektisi bar. Bul elimiz boıynsha shaǵyn jáne orta kásipkerlik kóleminiń 31 paıyzyna teń. Alaıda, aýyldaǵy kásipkerler shyǵarǵan ónimniń úlesi barlyq shaǵyn jáne orta kásipkerliktiń 14 paıyzyn ǵana quraıdy.

«Oǵan burynnan qordalanyp qalǵan máseleler ǵana sebep emes. Aýyldyq aýmaqtardy damytýǵa qatysty memlekettik basqarýdaǵy qazirgi tetikterdiń osaldyǵy da osyǵan ákelip otyr. Ortalyq deńgeıde de, jergilikti deńgeıde de aýyl damýyn basqarýdyń jáne úılestirýdiń keshendi tásili joq ekenin jıi estip kelemiz. Aýyldardy memlekettik qoldaý túrli baǵdarlamalardyń tasasynda qalyp, naqty júrgizilmeı keledi. Sondyqtan júıeli saıasat qajet. Bul jóninde Memleket basshysy birneshe ret aıtqanyn jaqsy bilesizder.

Ol úshin ortalyq memlekettik organdar jergilikti bılik organdarymen birlesip, konstrýktıvti jumys júrgizgen jón. Bizder, senatorlar, aýyldy tıimdi damytýǵa arnalǵan zańnamalyq bastamalardy qoldaýǵa daıynbyz», - dedi Senat Tóraǵasy.

Osy oraıda, ol aýyldardy saqtaý jáne damytý – ulttyq qaýipsizdikke de qatysty másele ekenin atap ótti. Bul ásirese, qazirgideı syn-qaterler kezeńinde óte ózekti.

«Naqty aıtqanda, shekara mańyndaǵy eldi mekenderdi saqtaý asa mańyzdy máselelerdiń biri. Prezıdentimiz anyqtap bergen basymdyqtardy iske asyrý jáne aýyldyq aýmaqtardy damytýǵa tyń serpin berý – tıisti memlekettik organdardyń aldynda turǵan negizgi mindet», - dedi M. Áshimbaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT