+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Máýlen Áshimbaev: Senat elimizdiń barlyq óńiriniń Parlamenttegi ókildigin qamtamasyz etedi

2020 jylǵy 12 tamyz 10:24
Bólisińiz:
Máýlen Áshimbaev: Senat elimizdiń barlyq óńiriniń Parlamenttegi ókildigin qamtamasyz etedi

NUR-SULTAN. QazAqparat - Senat elimizdiń barlyq óńiriniń Parlamenttegi ókildigin qamtamasyz etedi. Bul týraly QR Parlamenti Senatynyń tóraǵasy Facebook-tegi paraqshasyna jazdy, dep habarlaıdy QazAqparat tilshisi.

Uqsas jańalyqtar

Máýlen Áshimbaev búgin elimizde Senat depýtattarynyń saılaýy ótip jatqanyn aıtyp, qoldanystaǵy zańnamaǵa sáıkes ár oblystan, astanadan jáne respýblıkalyq mańyzy bar qalalardan bir-birden saılanatyn 17 senatordy tańdaýshylar-máslıhat depýtattary saılaıtynyna nazar aýdarǵan.

«Zań shyǵarýshy bılik júıesine sáıkes Senat elimizdiń barlyq óńiriniń Parlamenttegi ókildigin, Májilis quramy jańarǵan kezde zańnamalyq saıasattyń sabaqtastyǵyn jáne zań jobalarynyń sapaly qaralýyn qamtamasyz etedi. Májilis depýtattarynyń partııalyq tizimder boıynsha jáne Qazaqstan halqy Assambleıasynan saılanatynyń eskersek, Senatta óńirler múddeleriniń bildirilýi asa mańyzdy», – deıdi Máýlen Áshimbaev.

Sonymen qatar Senat Tóraǵasy zań shyǵarýshy bılikti uıymdastyrýdyń qazirgi júıesi qabyldanǵan zańdardy sapaly pysyqtaýdy qamtamasyz etetinin tilge tıek etken.

«Qaralatyn másele jan-jaqty ári tereń zerttelip, zań qabyldaý jumystary kezeń-kezeńmen jáne qısyndy júrgizilýge tıis. Atalǵan jumystyń sapasy memlekettik organdardyń normalaryna, ıaǵnı, tutas eldiń tynys-tirshiligine yqpal etedi. Ár qabyldanǵan zańnyń ondaǵan myń otbasy men naqty adamdardyń tynys-tirshiligine tikeleı áseri bar. Osy rette Parlament Palatalarynyń jumysy zań shyǵarý úderisiniń barynsha tıimdi ári teńgerimdi bolýyna múmkindik beredi jáne Zańdardy eldiń, sondaı-aq, ár azamattyń múddesin eskerip qabyldaýdy qamtamasyz etedi», – Máýlen Áshimbaev.

Munan bólek ol qabyldanatyn zańdar Qazaqstan Prezıdentiniń bastamalaryn zańnamalyq turǵydan qamtamasyz etýge tıis ekendigin atap ótken.

«Damýdyń jańa kezeńinde Memleket basshysy usynǵan halyqtyń turmys sapasyn arttyrýǵa jáne ınklıýzıvti ekonomıkalyq ósýge arnalǵan jańǵyrtý baǵdaryn zańnamalyq turǵydan qamtamasyz etýdiń mańyzy zor. Bul rette depýtattardyń róli erekshe. Koronavırýs indetimen jáne onyń saldarymen kúresý úshin quqyqtyq bazany jetildirý de mańyzdy mindetterdiń biri bolyp qala beredi. Búgin saılanǵan senatorlar tıisti ókilettikterin alǵan sátten bastap atalǵan strategııalyq mindetterdi oryndaýǵa óz úlesterin qosyp, belsendi jumys isteıdi dep senemin», – deıdi Senat tóraǵasy.


Bizdiń kanalymyzǵa jazylyńyz:

#Senat   #Saılaý  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT