+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Máýlen Áshimbaev: Elbasy el tizginin qolǵa alǵan tusta Qazaqstan kúrdeli kezeńde turdy

2020 jylǵy 30 qarasha 15:56
Bólisińiz:
Máýlen Áshimbaev: Elbasy el tizginin qolǵa alǵan tusta Qazaqstan kúrdeli kezeńde turdy

ALMATY. QazAqparat –QR Tuńǵysh Prezıdenti Nursultan Ábishuly Nazarbaevtyń eren eńbeginiń arqasynda, Qazaqstan eńsesi tik, irgesi berik memleketke aınaldy.

Uqsas jańalyqtar
Ár zań jobasyn talqylaǵan kezde qoǵamnyń pikirin eskerýimiz kerek - Máýlen Áshimbaev Májilis ózge memlekettermen qarym-qatynasta Qazaqstan múddesin qorǵaıtyn qujatty maquldady

Osyndaı pikirdi «Nursultan Nazarbaev: Jahandyq aýqymdaǵy saıasatker» atty halyqaralyq onlaın konferentsııa barysynda QR Parlamenti Senatynyń tóraǵasy Máýlen Áshimbaev bildirdi, dep habarlaıdy QazAqparat tilshisi.

Onyń aıtýynsha, osydan 29 jyl buryn Qazaqstan halqy tarıhı tańdaýyn jasap elimizdiń Tuńǵysh Prezıdentin saılady. Bul táýelsizdik jolyndaǵy eń mańyzdy qadamdardyń biri.

«Táýelsizdik jyldarynda Qazaqstan ǵasyrǵa júk bolar úlken jetistikterge qol jetkizdi. Ata-babamyz ańsaǵan arman-murattar oryndalyp, egemen el bolyp tolyq qalyptastyq. Qazaqstan eńsesi tik, irgesi berik memleketke aınaldy. Munyń bári Nursultan Ábishuly Nazarbaevtyń eren eńbeginiń nátıjesi»,– deıdi Máýlen Áshimbaev.

Sonymen qatar, ol Nursultan Ábishuly el tizginin qolǵa alǵan tusta Qazaqstan kúrdeli kezeńde turǵanyn atap ótti.

«Bizdiń sol kezdegi jaǵdaıymyzdy eskerip, bolashaǵymyzǵa senimsizdikpen qaraǵandar boldy. Tuńǵysh Prezıdentimiz sol tyǵyryqtan shyǵar joldy taýyp qana qoımaı, ózine júktelgen tarıhı mıssııany artyǵymen oryndady. Táýelsiz Qazaqstan memleketin quryp, egemendiktiń eń basty tuǵyrlaryn bekitip berdi. Eń aldymen shekaradaı kúrdeli másele kemeńgerlikpen sheshilip, halyqaralyq qujattarmen bir jola aıqyndaldy. Nursultan Nazarbaev bir sózinde «Jer taǵdyry, el taǵdyry»,– degen edi. Shekara máselesi túpkilikti sheshilmemese memlekettiń táýelsizdigi baıansyz, bolashaǵy bulyńǵyr bolady. Ony búginde bárimiz bilip otyrmyz. Sondyqtan Nazarbaev bul iste salıqaly dıplomatııaǵa arqa súıedi. Tuńǵysh Prezıdentimiz osyndaı kóregendiginiń arqasynda, shekaramyz bir jola anyqtalyp, bekitildi. Babalarymzydan aman bolǵan ulan baıtaq jer máńgi qazaqtyń basty baılyǵyna aınaldy»,– dedi Senat tóraǵasy.

Sonymen qatar, spıker Tuńǵysh Prezıdent memlekettik basqarý ınstıtýttarynyń zamanaýı úlgisin qalyptastyrǵanyn jetkizdi.

«El damýyna tyń seripin bergen Ata zańymyz qabyldandy. Soǵan sáıkes, bılik tarmaqtary qalyptasyp, qos palata – kásibı parlament, úkimet, sot júıesi quryldy. Jergilikti ákimderdiń jumysy jolǵa qoıyldy. Sol arqyly memleket ınstıtýttary júıelenip, árqaısynyń maqsat-mindetteri naqtylandy. Qarýly kúshimiz jasaqtaldy. Ekonomıka salasynda da keshendi reforma jasalyp, ekonomıkalyq ósiminiń joǵary deńgeıi qalyptasty»,– dep qorytyndylady Máýlen Áshimbaev.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT