+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Máýlen Áshimbaev: Abaı ulaǵaty – eshqashan mańyzyn da, qundylyǵyn da joǵaltpaıtyn ónege, óshpes ósıet

2020 jylǵy 10 tamyz 09:43
Bólisińiz:
Máýlen Áshimbaev: Abaı ulaǵaty – eshqashan mańyzyn da, qundylyǵyn da joǵaltpaıtyn ónege, óshpes ósıet

NUR-SULTAN. QazAqparat - Abaı murasy - otanshyl, adal, parasatty, bilimdi, bilikti urpaq tárbıeleýdiń negizi. Mundaı pikirdi QR Parlamenti Senatynyń tóraǵasy Máýlen Áshimbaev bildirdi, dep habarlaıdy QazAqparat tilshisi.

«Barshańyzdy elimizde alǵash ret resmı túrde atalyp ótip jatqan Abaı kúnimen quttyqtaımyn! Bul – qazaq úshin tarıhı oqıǵa, zor qýanysh jáne ulttyq qundylyqtardy ulyqtaýdyń jańa belesi, eldik pen egemendiktiń jarqyn kórinisi. Uly oıshyldyń 175 jyldyǵynda osyndaı derbes kúnniń belgilenýi óte oryndy bastama. Óıtkeni sanamyzdy jańǵyrtyp, sapamyzdy arttyrýda Abaı eńbekteriniń alar orny erekshe. Sondyqtan bul sheshimdi bas aqynǵa ǵana emes, qazaq ádebıeti men mádenıetine, bilimi men ǵylymyna, tutas ult rýhanııatyna kórsetilgen zor qurmet dep qabyldaımyz», - dep jazdy Máýlen Áshimbaev Facebook paraqshasynda.

Onyń paıymynsha, Abaı murasy otanshyl, adal, parasatty, bilimdi, bilikti urpaq tárbıeleýdiń negizi dep aıtsaq ta artyq bolmaıdy. Sol sebepti, uly aqynnyń shyǵarmalaryn qazirgi zamannyń talaptary men tetikterin eskere otyryp, keńinen nasıhattaǵan jón.

«Osyǵan oraı Prezıdentimiz Qasym-Jomart Kemeluly Toqaev óziniń « Abaı jáne HHІ ǵasyrdaǵy Qazaqstan « atty maqalasynda kóptegen ózekti máselelerdi kóterip, utymdy oılaryn ortaǵa salǵanyn jaqsy bilemiz. Memleket basshysy búgin «Egemen Qazaqstan» gazetine jarııalanǵan «Abaı – rýhanı reformator» atty maqalasynda da uly oıshyldyń ilimi qazirgi birqatar baǵyttarǵa oraılas keletinine nazar aýdaryp, eldi bilim ıgerýde, tárbıe máselesinde, jańa kásip úırenýde jáne yntymaq-birlikte Abaıǵa júginýge shaqyrady. Shyn máninde, ult ustazynyń ulaǵaty – eshqashan mańyzyn da, qundylyǵyn da joǵaltpaıtyn ónege, óshpes ósıet», - dedi ol.

Senat spıkeriniń atap ótýinshe, eń bastysy, aqynnyń eńbekterin dáriptegende naýqanshylyqqa jol bermegen abzal.

«Prezıdentimiz aıtqandaı, ǵulamanyń mereıtoıy toı toılaý úshin emes, oı-órisimizdi keńeıtip, rýhanı damýymyz úshin qajet. Osy turǵydan kelgende búgingi merekeniń mán-mańyzy aıryqsha, kótergen júgi aýyr ekenin uǵamyz. Endeshe ultymyzdyń órkenıet órine jasaǵan kezekti qadamy uzaǵynan bolǵaı! Uly oıshyldyń shyǵarmalary halqyna rýhanı qyzmetin jalǵastyra bersin! Abaı kúni qutty da qaıyrly bolsyn! Qazaq eli máńgi jasasyn!», - dedi Máýlen Áshimbaev.

Aıta keteıik, taıaýda Qazaqstan Respýblıkasy Úkimetiniń qaýlysymen 10 tamyz Abaı kúni bolyp belgilendi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT