+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Massaj jasaýshy: Arbaǵa tańylǵan ákemdi aıaǵynan turǵyzdym

2020 jylǵy 19 qańtar 11:30
Bólisińiz:
Massaj jasaýshy: Arbaǵa tańylǵan ákemdi aıaǵynan turǵyzdym

NUR-SULTAN. QazAqparat – Soltústik Qazaqstan oblysy, Taıynsha aýdanynyń turǵyny Botagóz Túgeldeıqyzy massaj jasaý arqyly derttiń daýasyn taýyp, emdeýmen aınalysady. Eki aıaǵy jansyzdanyp, múgedekter arbasyna tańylǵan ákesi onyń massajdyń qyr-syryn meńgerýine sebepshi bolǵan. Adam denesindegi árbir aǵzaǵa jaýap beretin núkteler men massaj týraly suhbatymyzdy nazarlaryńyzǵa usynamyz.

Uqsas jańalyqtar
Qazaqstanda koronavırýs juqtyrǵandar sany 569 adam boldy Ispanııa Eýropada koronavırýstan bolatyn ólim-jitim boıynsha 3 orynda tur Túrkistan oblysynda 5 jasar sábı anasynan vırýs juqtyrǵan

ADAMNYŃ AıAǴY – EKІNShІ «JÚREGІ»

- Qaı jyly qandaı oqý ornyn bitirdińiz?

- 2008 jyly Nur-Sultan qalasyndaǵy Medıtsına ýnıversıtetinde 1-kýrsty támamdap, Mońǵolııanyń Ulanbatyr qalasyndaǵy Ulttyq medıtsınalyq ýnıversıtettiń Dástúrli medıtsına bóliminde oqýymdy jalǵastyrdym. 2013 jyly Qoja Ahmet ıAsaýı ýnıversıtetiniń Shyǵys medıtsınasy bóliminde taǵy bir jyl oqyp, bilimimdi jetildirdim. Sondaı-aq, Qytaı, Túrkııa, Reseı memleketterine baryp, arnaıy kýrstardan óttim.

- Shyǵys medıtsınasymen aınalysqanyńyzǵa qanshy jyl boldy?

- Shyǵys medıtsınasymen aınalysqanyma 12 jyl bolyp qaldy. 2008 jyly oqýǵa túsken kezden bastap massaj jasaýdy úırenip, denedegi ár aǵzaǵa jaýap beretin núktelerdi meńgerip, tereńirek zertteı bastadym.

- Núktelerge qatysty mysal keltire alasyz ba?

- Adamnyń tabanyn «Ekinshi júrek» dep aıtady, sebebi adam boıyndaǵy tamyrlar tabanǵa kelip tireledi. Bizdiń denemiz tabanda ornalasqan bıologııalyq belsendi núktelerge áser etip, qan aınalymy men zat almasýǵa yqpal etedi. Dál osy tabanymyzda denedegi árbir organǵa jaýap beretin núkteler bolady. Oǵan qarap, adamnyń qaı jeri aýyratynyn anyqtaýǵa bolady.

ÁKEME ÚSh AI ÚZDІKSІZ MASSAJ JASADYM

- Medıtsınanyń basqa emes, osy salasyn tereńirek zertteýińizge ne túrtki boldy?

- 18 jasymda anam ınsýlttan qaıtys boldy. Osy jaǵdaıdan keıin men medıtsına salasynda qyzmet etkim keletinin túsindim. Odan keıin ákemniń eki aıaǵynan jan ketip, isip, múgedekter arbasyna otyryp qaldy. Ony aparmaǵan dárigerimiz bolmady, eshqandaı em qonbady. Tipti dıagnozyn taba almady. Sol kezde massaj jasaýdy úırenýim kerek ekenin túsindim. Sóıtip massajdyń qyr-syryn meńgerip, ákemdi emdeı bastadym. Aqyry dertine daýa taptym. Onyń júıkesi qysylyp qalǵan eken. Úsh aı úzdiksiz massaj jasap, Allanyń qalaýymen aıaǵynan turdy. Mine, sodan beri 9 jyl ótti. Keıbireýler meniń emshilik qasıetim bar dep oılaıdy, biraq olaı emes. Bar bolǵany – óz salamdy jaqsy meńgergem jáne óz jumysymdy jaqsy kóremin.

MASSAJ TÚRLERІ

- Shyǵys medıtsınasynyń Batys medıtsınasynan artyqshylyǵy nede?

- Shyǵys medıtsınasynda naýqasty emdeý úshin ıne shanshý, kúıdirý, qan alý, massajben, otpen, shóppen emdeý sııaqty keshendi ádisterdi qoldanady. Em-domǵa hımııalyq qospasyz zattar paıdalanylady. Naýqastyń tamyryn ustap, qaı jeri aýyratynyn anyqtap, qaı mamanǵa júginý kerek ekenin aıtamyz. Ózim otben býlaý, ıne shanshý jáne massaj túrlerin kóp qoldanamyn.

- Qandaı massaj túrleri bar?

- Jańa týǵan sábıdiń denesin tarqatyp, ary-beri aýnatyp, qan aınalymyn jaqsarý úshin massaj jasaımyz. Massaj jasaýdyń mańyzy zor. Jańa týǵan sábı qyrqynan shyqqansha denesin tarqatyp, ary-beri aýnatyp, qan aınalymyn jaqsarý úshin massaj jasaımyz. Massaj zat almasý qyzmetin jaqsartýǵa, tynys alýdy retke keltirýge jaqsy kómektesedi. Tońyp qalǵan kezde de massaj jasaý arqyly jylynýǵa da bolady. Massajdyń arqasynda sińirdiń sozylý ıkemdiligi artyp, býyn qozǵalysy jaqsarady jáne sharshaǵan bulshyqettiń tez qalypqa kelýine yqpal etedi. Massaj túrleri kóp, men ózim jıi qoldanatyn túrlerine toqtalyp óteıin: klassıkalyq massaj, relaks massaj, tsıllıýlıtke qarsy massaj, sporttyq massaj, emdik massaj, núkteli massaj.

Klassıkalyq massaj – kóptegen aýrýlardyń aldyn alýdyń jáne emdeýdiń zamanaýı ádisteriniń biri. Klassıkalyq massaj aýyrsynýdy, isinýdi jeńildetip qana qoımaı, dene músheleri men júıke júıeleriniń jumysyn qalypqa keltiredi jáne zaqymdanǵan tinderdiń qalpyna kelýin tezdetedi, bulshyqet tonýsyn qalpyna keltiredi, tirek-qımyl júıesiniń jumysyn jaqsartady, býyn-tirek apparatyn kúsheıtedi.

Emdik massaj – bul klassıkalyq massajǵa uqsaıdy. Ol da qan aınalymyn jaqsartyp, bulshyqet tonýsyn qalypqa keltiredi. Aıyrmashylyǵy – bul massaj túri adamnyń ishki aǵzalaryna, júıke júıesine áser etedi. Sol sebepti bul massaj túrin medıtsınalyq bilimi men tájirıbesi bar adam ǵana jasaýy kerek.

Relaks massaj – sharshaǵandy basatyn, kúızeliske (stress) qarsy massaj túri. Ol adamdy tynyshtandyryp qana qoımaı, qan aınalymyn jaqsartady. Tıbet fılosoftary «Stress – ólim» dep aıtady. Shynymen de, adamnyń jan dúnıesi men denesinde úılesimidilik bolýy kerek. Adam aǵzasyndaǵy áldebir júıe isten shyqsa – búkil dene zardap shegedi, sol sebepti adam kerek kezde durystap tynyǵa bilýi kerek. Kúndelikti sharshap-shaldyǵý, ishimdik, temeki sııaqty zııandy zattarǵa táýeldi bolý adamdy kúızeliske alyp keledi. Durys demala bilmeıtinder úshin taptyrmas ádis – relaks massajy.

Núkteli massaj – bul massajdyń eń ejelgi túriniń biri. Massajdyń bul túri arqyly adamnyń ishki aǵzasy men organdaryna qatysy bar bıologııalyq belsendi núktelerge áser etýge bolady. Massajdyń bul túrin sýyq tıip qalǵan kezde, bastyń saqınasy ustaǵan kezde, tis aýyrǵanda, uıqy buzylǵanda, qan qysymy kóterilgende jáne ımmýnıtet kóterý, artyq salmaq tastaý úshin de qoldanýǵa bolady.

Tsıllıýlıtke qarsy massaj – bul massaj túri aǵzanyń ishine áser etedi, ıaǵnı adam boıyndaǵy artyq sý men maı jasýshalarynda jınalyp qalǵan «qoqystyń» shyǵýyna yqpal etedi. Osynyń arqasynda tsellıýlıt azaıady nemese tolyǵymen joq bolyp ketedi.

Sporttyq massaj – bul adamnyń bulshyqetteri men býyndaryna arnalǵan túri. Massajdyń bul túri belsendi ómir saltyn ustanyp, sportpen shuǵyldanatyn adamdarǵa arnalǵan. Onyń emdik massajdan aıyrmashylyǵy – massaj jasaǵan kezde aýyrsyný belgileri bolmaıdy.

KÚNDE TAŃERTEŃ 10 RET OTYRYP-TURYŃYZ

- Eńbek jolyńyz qaı jerden bastaldy?

- Eńbek jolym Nur-Sultan qalasynda bastaldy. Qazirgi ýaqytta Soltústik Qazaqstan oblysy, Taıynsha aýdany, Keller aýylynda shaǵyn ortalyq ashyp, em-dom jasaýdamyn.

- Ne sebepti aýylda jumys isteýdi jón dep taptyńyz?

- Qazirgi ýaqytta medıtsına salasyndaǵy jaqsy mamandardyń kóbi qalada. Men ózimdi aýylǵa keregirekpin dep oılaımyn. Qala turǵyndary dáriger aldyna aýrýynyń aldyn alý maqsatynda, profılaktıka úshin barady. Al aýyl turǵyndarynyń kóbi aýrýlary asqynyp ketkenshe shydap júre beredi, sol sebepti aýylda kóp tájirıbe jınaýǵa bolady. Aýylda tursam da, arnaıy shaqyrtýmen Qazaqstannyń basqa óńirlerine de baryp, emdep qaıtatyn kezderim bolady. Jaqynda ǵana Qaraǵandyǵa baryp, massaj jasaý arqyly emdep keldim.

- Oqyrmanǵa aıtar aqyl-keńesińiz bar ma?

- Qazirgi kezde massaj jasaıtyn adamdar kóp, ekiniń biri massaj jasaýshy bolyp ketti deýge bolady. Biraq massaj jasaıtyn adamǵa barǵan kezde keıbir nárselerdi eskerýińiz kerek. Mysaly, massaj jasaýshy tehnıkalyq turǵyda jáne psıhologııalyq turǵyda myqty bolýy kerek. Massaj jasaýshynyń jumysy adamdarmen tildesýden de turady. Onyń aldyna neshe túrli adamdar keledi, sol sebepti ol ár adamnyń tilin taba bilýi mańyzdy. Al jalpy kúndelikti ómirińizge qajetti keńes aıtar bolsam: kúnde tańerteń taza aýamen tynystańyz. Jattyǵý keshenin jasaýǵa ýaqytyńyz bolmasa, tym bolmaǵanda tańerteń tura salyp on ret otyryp-tursyn. Bul – qan aınalym júıesin jaqsartady.

- Suhbatyńyz úshin rahmet!

Bizdiń kanalymyzǵa jazylyńyz:

Basty sózder: Medıtsına,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT