+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Máskeýde gaz qoımasy órtenip, jarylys boldy

2020 jylǵy 2 qarasha 21:31
Bólisińiz:
Máskeýde gaz qoımasy órtenip, jarylys boldy

MÁSKEÝ. TASS-QazAqparat - Máskeýdiń ońtústiginde gaz qoımasynan órt shyqty, dep habarlady TASS agenttigi jedel qyzmettegi derekkózge silteme jasap.

«Gazoprovod 4a kóshesindegi gaz rezervýary ornalasqan qoımada órt shyqty. Qoıma ishinde jarylys daýystary estilip jatyr», - dedi agenttikke derekkóz.

Órtke qaýiptiń «joǵary» deńgeıi berilip otyr. Jarylystyń oryn alý múmkindigine baılanysty oqıǵa ornyna jetken órt sóndirýshiler qaýipsiz araqashyqtyqty saqtaýda.

«Qoımadaǵy gazǵa arnalǵan rezervýardyń jalpy kólemi 600 tekshe metrdi quraıdy», - delingen TASS-qa berilgen málimette.

Órtke oranǵan qoımada birneshe qýatty jarylys oryn alǵan. Sol sebepti qazirgi ýaqytta órt sóndirýshiler brondalǵan qorǵanystyń jetkizilgenin kútip tur.

RF TJM Máskeý qalalyq basqarmasynyń baspasóz qyzmeti de órttiń oryn alǵanyn rastady.

«Qoıma ǵımaratynda órt bolyp jatyr. Aldyn ala boljamǵa sáıkes, onyń ishinde gaz ballondary bar. Neniń órtenip jatqany jáne qyzyl jalyn sharpyǵan aýmaq naqtylanýda. Zardap shekkender joq», - dedi qalalyq basqarmadan.

Gaz ballondary bar qoıma ǵımaratynyń qıraǵany da belgili bolyp otyr.

«Ballondar saqtalǵan ǵımarat qıraǵan. Órtten qorǵaý qyzmetiniń jeke quramy tehnıkalyq qaýipsizdik erejelerin saqtaı otyryp, qyzyl jalynmen kúres júrgizip jatyr. Zardap shekkender týraly aqparat túsken joq. Mamandar men tehnıka jetkilikti», - dedi RF TJM Máskeý qalalyq basqarmasynan.

Al TASS agentiginiń jedel qyzmettegi derekkózi ǵımarattyń jarylys saldarynan qıraǵanyn aıtady. Sonymen qatar ol tótenshe jaǵdaı oryn alǵan aýmaqqa jaqyn ornalasqan úılerdiń turǵyndaryn evakýatsııalaý júrgizilmegendigin atap ótedi.

«Órt qushaǵyna oranǵan angarǵa taqaý ornalasqan turǵyn úılerden adamdardy qaýipsiz jerge shyǵarý júrgizilgen joq. Kólik qozǵalysyna shekteý engizilgen», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT