+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Máskeýde «Farıza» qoıylymynyń tusaýy kesildi

2019 jylǵy 1 qarasha 14:59
Bólisińiz:
Máskeýde «Farıza» qoıylymynyń tusaýy kesildi

MÁSKEÝ. QazAqparat –Máskeýdegi «Sovremennık» drama teatrynyń sahnasynda qazaq aqyny Farıza Ońǵarsynovaǵa arnalǵan «Farıza» qoıylymynyń tusaýy kesildi, dep habarlaıdy «QazAqparat» HAA menshikti tilshisi.

Spektakldiń prodıýseri jáne ıdeıa avtory Aınur Kópbasarovanyń aıtýynsha, spektakldi qoıý týraly ıdeıa alǵash ret 2016 jyly týǵan.

«Bul kúnge uzaq ýaqyt boıy daıyndaldyq. Osy úsh jyl ishinde kóptegen adamdardyń eńbegin bir arnaǵa toǵystyra aldyq. Mýzykasyn kompozıtor Renat Gaısın shyǵardy, dramatýrg retinde Roza Muqanova óner kórsetti. Al, Farhat Moldaǵalıev pen Shara Aıdarova rejısser boldy», - dedi ol.

«Farıza Ońǵarsynova eń ashyq adamı tolǵanystardy poezııa arqyly jetkize aldy. Ol ómirimizdegi barlyq salany qamtydy. Bizdiń spektakl fılosofııalyq baǵytqa negizdelgen. Bul – portrettik qoıylym emes, onyń jan dúnıesin berýge tyrystyq. Ol shyǵarmashylyǵy arqyly kórsetkisi kelgen dúnıelerdi somdadyq. Árıne, spektaklde onyń týyndylarynan úzindiler keltirildi», - dedi A.Kópbasarova.

Tusaýkeser sharada Qazaqstannyń Reseıdegi Tótenshe jáne Ókiletti Elshisi Imanǵalı Tasmaǵambetov qoıylymnyń avtory men qatysýshylarǵa jasaǵan jumystary úshin jáne Qazaqstan aqynynyń shyǵarmashylyǵyna iltıpattary úshin alǵys aıtty.

«Ol óte myqty jáne ózgeshe tulǵa edi. «Farıza» qoıylymynda halyq aqynynyń barlyq kópqyrlylyǵy kórsetildi. Bul, Qazaqstan men Reseı halyqtary arasyndaǵy dostyqty nyǵaıtyp, rýhanı turǵydan jaqyndastyrýǵa jasalǵan taǵy bir qadam ekenine senimdimin», - dedi Elshi.

Spektakl rejısseri Shara Aıdarova atap ótkendeı, aqıyq aqynnyń 80 jyldyq mereıtoıyna arnalǵan týyndy alǵash ret Almatyda M.Áýezov teatrynyń sahnasynda kórsetildi. Almatylyq ártister spektakldi qazaq tilinde qoıdy. Reseı kórermenderi úshin aýdıoqurylǵy arqyly sınhrondy aýdarma jasaldy.

Uıymdastyrýshylardyń aıtýynsha, endigide «Farıza» 15-16 qarasha kúnderi Nur-Sultan kórermenderi úshin «Jastar» teatrynyń sahnasynda kórsetiledi.

Avtory Narymbek Ismaǵulov

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT