+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Máskeýde Abaı eskertkishiniń janynda biregeı ınstallıatsııa usynyldy

2020 jylǵy 13 tamyz 08:10
Bólisińiz:
Máskeýde Abaı eskertkishiniń janynda biregeı ınstallıatsııa usynyldy

MÁSKEÝ. QazAqparat - Abaıdyń 175 jyldyǵyna oraı Máskeýdegi «Chıstye Prýdy» býlvaryndaǵy uly qazaq aqyny eskertkishiniń janynda eki mádenı shara ótkizildi, dep habarlaıdy QazAqparat SІM baspasóz qyzmetine silteme jasap.

Uqsas jańalyqtar
Qostanaıda 1939 jyly latyn qarpinde shyqqan Abaı óleńderiniń jınaǵy tabyldy Belgili nemis ádebıettanýshysy Leonard Koshýt Qazaqstannyń «Dostyq» ordenimen marapattaldy

Reseıdegi Qazaqstan elshisi Ermek Kósherbaevtyń basshylyǵymen elshilik dıplomattary, sonymen qatar qazaq mádenıetiniń Máskeýdegi qoǵamdastyǵynyń ókilderi Reseı astanasyndaǵy «Chıstye Prýdy» býlvaryndaǵy uly qazaq aqyny hám oıshylynyń eskertkishine gúl shoqtaryn qoıdy.

Dıplomattar aqyn shyǵarmashylyǵynyń arqasynda Pýshkın, Lermontov, Gete, Baıron, Shıllerdiń jáne basqa da álemdik mádenıet ókilderiniń shyǵarmalary qazaq tilinde sóılegenin atap ótti. Іs-shara aıasynda elshilik qyzmetkerleri Abaıdyń Qara sózderin oqyp, áıgili «Jelsiz túnde jaryq aı» ánin aıtty. Sondaı-aq, elshilik Abaı mereıtoıyna arnaıy Rýnette abai175.ru saıtyn tanystyrdy, onda uly aqynnyń ómiri men shyǵarmashylyǵy jaıly aqparat toptastyrylǵan.

Sondaı-aq, Abaı eskertkishiniń janynda biregeı ınstallıatsııa usynyldy.

Uly qazaq aqynynyń sýreti salynǵan kólemdi pazl qazaqstandyq balalardyń 200 sýretinen quralǵan. Olar aqynnyń 175 jyldyǵyna oraı ótkizilgen kóptegen konkýrs nátıjesi boıynsha irikteldi.

Sharany Qazaqstannyń Reseıdegi elshiligi, Reseıdiń Qazaqstandaǵy elshiligi, «Reseıdiń mádenı maýsymdary» qory, Qazaqstandaǵy Reseı yntymaqtastyǵy ókildigi, Balalar óner mektebi – ıÝNESKO klýby (Nur-Sultan q.), Qazaqstandaǵy pedagog sýretshilerdiń halyqaralyq odaǵy, «Balalar álemdi beıneleıdi» qory (Qazaqstan), «Jambyl daryny» ortalyǵy – ıÝNESKO klýby (Taraz q.), «Lord» lıtseıi (Petropavl q.).

Qazaqstannyń Reseıdegi elshisi Ermek Kósherbaev naýqan ótkizilip jatqan orynnyń mańyzdylyǵyn atap ótti. Dıplomat aqynnyń qara sózderi búgingi tańda da ózekti ekenin, óıtkeni turǵylyqty jerine qaramastan barlyq adamdar úshin túsinikti ekenin atap ótti.

Máskeýdiń syrtqy ekonomıkalyq jáne halyqaralyq baılanystar departamenti basshysynyń orynbasary Alekseı Bondarýk Reseı astanasymen Qazaqstandy erekshe jyly, tıimdi jáne dostyq qatynastar baılanystyratynyn atap ótti. «Máskeýlik retinde men úshin qazaq halqymen aramyzdaǵy dostyq qatynastar kóbinese Abaıdyń shyǵarmashylyǵyna negizdeletinin seziný mańyzdy. Bálkim, 1941 jyly orys jáne qazaq halyqtaryna Máskeýdi qorǵap qalýǵa járdemdesken «bolat qylysh» Abaıdyń orys klassıkterin aýdarǵan týyndylaryna negizdelgen bolar. Men máskeýlik retinde osyndaı keremet uly tulǵany qatty qurmetteımin», – dep atap ótti Bondarýk.


Bizdiń kanalymyzǵa jazylyńyz:

#Reseı   ##Abai175  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT