+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Maska taqpaǵandarǵa 80 myń teńgege jýyq aıyppul salynady

2020 jylǵy 5 tamyz 14:43
Bólisińiz:
Maska taqpaǵandarǵa 80 myń teńgege jýyq aıyppul salynady

NUR-SULTAN. QazAqparat - Tártip saqshylary qoǵamdyq oryndarda medıtsınalyq maska taǵý mindetti ekenin eskertedi. Maska taqpaý 80 myń teńgege jýyq aıyppul salýǵa ákep soǵady, dep habarlaıdy QazAqparat tilshisi.

Uqsas jańalyqtar
ShQO-da koronavırýs juqtyrǵandar azaıyp keledi Karantın: Qostanaı oblysynda shekteý sharalary qaıta kúsheıdi Almatyda 58 kásipkerlik nysan karantın talaptaryn buzǵany anyqtaldy
Nur-Sultan ákimdiginiń resmı saıtynda jarııalanǵanyndaı, e lordanyń bas memlekettik sanıtarlyq dárigeriniń buıryǵyna sáıkes, úıden shyqqanda medıtsınalyq maska taǵý mindetti norma. Bul aýrýdyń aldyn alý úshin jasalady. Quqyq buzýshylarǵa 30 AEK nemese 79 530 teńge aıyppul salynady. «Birinshi kezekte polıtsııa aldyn alý jumystaryna kóńil bóledi. Adam kóp jerlerde, saıabaqtarda, skverlerde, qoǵamdyq kólikterde túsindirý jumystaryn júrgizip, azamattarǵa maska taǵýdy usynamyz. Eger adam kóp oryndarda maska taqpasa ákimshilik jaýapkershilikke tartylady. Birinshi kezekte biz tártip buzýshylarǵa qatysty aldyn alý sharalaryn qoldanamyz», - deıdi qalalyq polıtsııa departamentiniń resmı ókili Danııar Oralov. Sondyqtan, halyqtyń densaýlyǵyn saqtaý, koronavırýs ınfektsııasynyń aldyn alý jáne boldyrmaý úshin azamattar medıtsınalyq maska taǵýy kerek, deıdi ol.

Óz kezeginde, elorda turǵyndary arasynda júrgizilgen blıts-saýalnama kórsetkendeı, respondentterdiń kópshiligi maska qorǵanys retinde qajet ekenine jáne ony jabyq ǵımarat ishinde kııý kerek ekendigine senimdi. «Menińshe, syrtta maska taǵý qajet emes, óıtkeni taza aýa odan da mańyzdy. Iá, jabyq ǵımarat ishinde áleýmettik qashyqtyq saqtaý, maska taǵý kerek, biraq kóshede mindetti emes», - deıdi qala turǵyny. «Men jaǵalaýda, adam kóp emes jerde taza aýamen dem alý úshin maskany sheshemin. Mende vırýs bolýy múmkin ǵoı, sondyqtan adamdar arasynda maska taǵyp júremin», - deıdi taǵy bir elorda turǵyny.

Esterińizge sala keteıik, jabyq, qoǵamdyq oryndarda, halyqqa qyzmet kórsetý ortalyqtarynda, dúkender men dárihanalarda, medıtsınalyq mekemelerde maska taǵý mindetti. «Maska taǵý COVID-19 ınfektsııasynyń aldyn alý úshin óte mańyzdy. Maska taǵýdyń durys tártibin saqtaý kerek jáne ár eki saǵat saıyn aýystyrý qajet», - dep túsindiredi terapevt Azıza Aldanbaeva.

Eske salaıyq, Qazaqstanda karantın rejımi 17 tamyzǵa deıin uzartyldy.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT