+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Marqum bolǵan 3 jambyldyq dáriger memlekettik nagradalarmen marapattaldy

2020 jylǵy 15 shilde 18:18
Bólisińiz:
Marqum bolǵan 3  jambyldyq dáriger memlekettik nagradalarmen marapattaldy

TARAZ. QazAqparat – Jambyl oblysynyń ákimi Berdibek Saparbaev marqum dárigerlerdiń otbasylaryna arnaıy bardy, dep habarlaıdy QazAqparat tilshisi.

Qazaqstan Respýblıkasynyń Prezıdenti Qasym-Jomart Toqaev koronavırýs ınfektsııacymen kúreske qosqan úlesi úshin jambyldyq marqum bolǵan dárigerlerdi Qazaqstan Respýblıkasynyń memlekettik nagradalarmen nagradtaý týraly jarlyqqa qol qoıǵan bolatyn,

Aıtalyq, qyzmettik boryshyn úlgili atqarǵany, azamattardyń densaýlyǵyn saqtaý jolyndaǵy janqııarlyq eńbegi úshin I-dárejeli «Barys» ordenimen marqum, Jambyl oblystyq ftızıopýlmonologııa ortalyǵy bas dárigeriniń orynbasary Dáýlet Arymbaev, «Barys» ekinshi dárejeli ordenderimen marqum, «Almaz Medıkal Grýpp» JShS-niń bólim basshysy Gúlmıra Qyrǵyzalıeva men Shú aýdandyq ortalyq aýrýhanasynyń bas dárigeri Aıdar Muqataev marapattaldy.

Jambyl oblysynyń ákimi Berdibek Saparbaev memlekettik nagradalardy D.Arymbaev pen G.Qyrǵyzalıevanyń otbasylaryna arnaıy baryp tapsyrdy.

«Koronavırýs eń bilikti dárigerlerdiń ólimine sebep bolýda. Bul qazanyń orny tolmaıdy. Olardyń esimderi men erlikteri eshqashan umytylmaıdy. Olar tereń bilimdi, shydamdylyq pen janqııarlyqty talap etetin mamandyqty tańdady. Sońǵy demine deıin olar mamandyqtaryna adaldyq tanytty. Memleket basshysy azamattardyń densaýlyǵyn qorǵaýdaǵy olardyń kúsh-jigerlerin únemi eskerip, alǵys aıtyp keledi. Memlekettik marapattar – shynaıy alǵys pen rızashylyqtyń belgisi», - dedi Berdibek Saparbaev.

Áriptesteri marqumdardyń mamandyǵyna adaldyǵy men biliktiligin alǵa tartyp, zor qurmetpen eske alady. Olardyń barlyǵy da óz jumystarynda jetistikke jetý úshin tabandylyq tanytyp, aıanbaı ter tókti.

Dáýlet Arymbaev shamamen 30 jyldaı ǵumyryn osy salaǵa arnaǵan. 1965 jyly Jambyl oblysynda dúnıege kelgen ol osy jyldar ishinde Talas aýdandyq aýrýhanasynda bólim meńgerýshisi, Jambyl oblystyq týberkýlezge qarsy dıspanserinde týberkýlezge qarsy maman, sot-medıtsınalyq sarapshy bolyp jumys istegen. 2010 jyldan beri Jambyl oblystyq ftızıopýlmonologııa ortalyǵy bas dárigeriniń orynbasary bolyp qyzmet atqarǵan.

Al, Gúlmıra Qyrǵyzalıeva eńbek jolyn ýchaskelik dárigerlikten bastaǵan. «Hımprom» DPO klınıkasynda, Taraz qalasynyń № 2.8 emhanalarynda terapevt bolyp jumys istedi. 2018 jyldan bastap «Almaz Medical Group» JShS bólimin basqarǵan.

Sol sııaqty, Aıdar Muqataevtyń esimi shýlyqtarǵa jaqsy tanys. 2003 jyldan bastap aýdandyq aýrýhananyń bas dárigeri bolyp eńbek etken ol oǵan deıin Taraz qalalyq aýrýhanasynda hırýrg, bólim meńgerýshisi bolyp jumys istegen. «Qazaqstan Respýblıkasynyń densaýlyq saqtaý isiniń úzdigi» tósbelgisimen, «Eren eńbegı úshin», «Oblysqa sińirgen eńbegi úshin», «10 jyl Astana», «Táýelsizdikke 20 jyl» medaldarymen marapattalǵan.

Shý aýdanynyń ákimi Nurjan Kalenderov marqum dárigerdiń otbasyna memlekettik nagradany arnaıy baryp tabys etti.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT