+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Marat Tájın qyzmetinen bosatyldy

2019 jylǵy 18 qyrkúıek 18:29
Bólisińiz:
Marat Tájın qyzmetinen bosatyldy

NUR-SULTAN. QazAqparat – QR Prezıdentiniń Jarlyǵymen Marat Muhanbetqazyuly Tájın basqa jumysqa aýysýyna baılanysty Qazaqstan Respýblıkasynyń Memlekettik hatshysy qyzmetinen bosatyldy, dep habarlaıdy QazAqparat Aqordaǵa silteme jasap.

Qasym-Jomart Toqaev Marat Tájınge alǵys aıtty.

«Tájirıbeli memlekettik qyzmetshi Q.Kósherbaev M.Tájınniń ornyna Memlekettik hatshy laýazymyna taǵaıyndaldy. Uzaq jyldar boıy memleket isine sińirgen eńbegi úshin M.Tájınge alǵys aıtamyn. Onyń bilimi men biligi elimizdiń ıgiligine qyzmet ete beredi», dep jazdy Memleket basshysy Twitter-degi paraqshasynda.

Marat Muhanbetqazyuly 1960 jyly 8 sáýirde Aqtóbe qalasynda týǵan. 1981 jyly Almaty halyq sharýashylyǵy ınstıtýtyn, ekonomıst mamandyǵy boıynsha bitirgen.

Fılosofııa ǵylymdarynyń kandıdaty (1985). Áleýmettaný ǵylymdarynyń doktory (1988). London ýnıversıtetiniń doktoranty (1988). Professor (1993 jyldan bastap). Stambýl ýnıversıtetiniń qurmetti professory (2008 jyldan bastap).

Qazaqstan Respýblıkasy Áleýmettik ǵylymdar akademııasynyń akademıgi, Reseıdiń áleýmettik ǵylymdar akademııasynyń akademıgi, Reseıdiń jaratylystaný ǵylymdary akademııasynyń sheteldik akademıgi, Qazaqstan Respýblıkasy saıası ǵylymdar akademııasynyń akademıgi jáne prezıdenti, Qazaqstan Respýblıkasy áleýmettanýshylar qaýymdastyǵynyń prezıdenti, Túrki tildes elder áleýmettanýshylar odaǵynyń prezıdenti.

1981 jyldan bastap – Qaz KSR Ǵylym akademııasy Óndiristik kúshterdi zertteý jónindegi keńestiń kishi ǵylymı qyzmetkeri.

1983-1987 jyldary – aspırant, S.M.Kırov atyndaǵy Qazaq memlekettik ýnıversıtetiniń oqytýshysy.

1991 jyldan bastap – ál-Farabı atyndaǵy QazMÝ janyndaǵy qoǵamdyq ǵylymdar oqytýshylarynyń biliktiligin arttyrý ınstıtýtynyń kafedra meńgerýshisi.

1992 jyldan bastap – Qazaqstan Respýblıkasynyń Prezıdenti jáne Mınıstrler Kabıneti Apparatynyń ishki saıasat bólimi meńgerýshisiniń orynbasary; Qazaqstan Respýblıkasynyń Prezıdenti jáne Mınıstrler Kabıneti Apparatynyń Aqparattyq-taldaý ortalyǵynyń jetekshisi; Qazaqstan Respýblıkasynyń Prezıdenti Apparatynyń Іshki saıasat bóliminiń meńgerýshisi.

1993 jylǵy maýsymnan bastap – Qazaqstan Respýblıkasynyń Prezıdenti Apparaty basshysynyń orynbasary – Qazaqstan Respýblıkasynyń Prezıdenti Apparatynyń Aqparattyq-taldaý ortalyǵynyń jetekshisi.

1994 jylǵy qazannan bastap – Qazaqstan Respýblıkasy Prezıdentiniń Memlekettik keńesshisi – Qazaqstan Respýblıkasynyń Prezıdenti Apparatynyń Aqparattyq-taldaý ortalyǵynyń jetekshisi.

1995 jylǵy qazannan bastap – Qazaqstan Respýblıkasynyń Prezıdenti Ákimshiligi basshysynyń orynbasary – Qazaqstan Respýblıkasynyń Prezıdenti Ákimshiligi Taldaý jáne strategııalyq zertteýler ortalyǵynyń jetekshisi.

1999 jylǵy aqpannan bastap – Qazaqstan Respýblıkasy Prezıdentiniń Ulttyq qaýipsizdik máseleleri jónindegi kómekshisi.

2000 jyldan bastap – Qazaqstan Respýblıkasy Sybaılas jemqorlyqpen kúres jónindegi memlekettik komıssııa tóraǵasy.

2001 jylǵy mamyrdan bastap – Qazaqstan Respýblıkasy Ulttyq qaýipsizdik komıtetiniń tóraǵasy.

2001 jyldan bastap – Qazaqstan Respýblıkasy Prezıdentiniń Ulttyq qaýipsizdik máseleleri jónindegi kómekshisi – Qazaqstan Respýblıkasy Qaýipsizdik keńesiniń hatshysy.

2002 jylǵy qyrkúıekten bastap – Qazaqstan Respýblıkasy Prezıdenti Ákimshiligi basshysynyń birinshi orynbasary.

2006 jylǵy sáýirden bastap – Qazaqstan Respýblıkasy Prezıdentiniń kómekshisi – Qazaqstan Respýblıkasy Qaýipsizdik keńesiniń hatshysy.

2007 jylǵy qańtardan bastap – Qazaqstan Respýblıkasynyń Syrtqy ister mınıstri.

2009 jylǵy qyrkúıekten bastap – Qazaqstan Respýblıkasy Prezıdentiniń kómekshisi – Qazaqstan Respýblıkasy Qaýipsizdik keńesiniń hatshysy.

2013 jylǵy qańtardan bastap – Qazaqstan Respýblıkasynyń Memlekettik hatshysy.

2014 jylǵy aqpannan bastap – Qazaqstan Respýblıkasynyń Reseı Federatsııasyndaǵy Tótenshe jáne ókiletti elshisi.

2017 jylǵy qańtardan bastap – Qazaqstan Respýblıkasy Prezıdenti Ákimshiligi basshysynyń birinshi orynbasary.

2019 jylǵy 1 naýryzda Memleket basshysynyń Jarlyǵymen Qazaqstan Respýblıkasynyń Memlekettik hatshysy bolyp taǵaıyndaldy.

«Qurmet» (2002), І dárejeli «Barys» (2007), ІІ dárejeli «Barys» (2016) ordenderimen jáne alty medalmen marapattalǵan.

Qazaqstan Respýblıkasy ulttyq qaýipsizdik organdarynyń qurmetti qyzmetkeri.

Tótenshe jáne ókiletti elshi dárejesine ıe.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT