Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

Marat Sultanǵazıev Prezıdentke oblys ortalyǵyn Qonaevqa kóshirý jumystary jóninde baıandady

2022 jylǵy 22 maýsym 16:34

NUR-SULTAN. QazAqparat - Memleket basshysy Almaty oblysynyń ákimi Marat Sultanǵazıevti qabyldady, dep habarlaıdy QazAqparat Aqordanyń resmı saıtyna silteme jasap.

Qasym-Jomart Toqaevqa oblystyń qazirgi áleýmettik-ekonomıkalyq jaǵdaıy men damý perspektıvalary jóninde baıandaldy.

Marat Sultanǵazıevtiń aıtýynsha, qazirgi kezeńde oblystyń ekonomıkasynda oń ózgerister baıqalady. Atap aıtqanda, aýyl sharýashylyǵy salasynyń damý kórsetkishi – 102,8, óńdeý ónerkásibiniń ósimi – 105,2, saýda – 103, qurylys –114,3 paıyzǵa artqan. Oblys ákimdigi jyl sońyna deıin osy qarqyndy saqtap qalýǵa nıetti.

Prezıdent azamattardyń senimin aqtaý, sondaı-aq oblys turǵyndarynyń turmys sapasyn jaqsartý úshin naqty sharalar qabyldaý mańyzdy ekenin aıtty.

Memleket basshysyna ákimshilik-aýmaqtyq reformalardan keıingi jańa múmkindikterdi eskere otyryp, Almaty oblysy men Qonaev qalasynyń áleýmettik-ekonomıkalyq damý josparyna ózgerister engiziletini jóninde aqparat berildi. Ákimniń aıtýynsha, qurylys, ónerkásip, aýyl sharýashylyǵy, óńdeý ónerkásibi, saýda jáne týrızm sııaqty ekonomıkanyń ınvestıtsııalyq tartymdy sektorlaryna erekshe kóńil bólinedi.

Marat Sultanǵazıev Qasym-Jomart Toqaevqa oblys ortalyǵyn Qonaev qalasyna kóshirý jumystary jóninde baıandady. Sondaı-aq jergilikti atqarýshy organdar men memlekettik mekeme qyzmetkerleri úshin qajetti jaǵdaı jasaýǵa baǵyttalǵan keshendi sharalar jóninde esep berildi.

Prezıdent jańa ákimge oblys turǵyndarynyń turmys sapasyn arttyrýǵa, turǵyn úı-kommýnaldyq sharýashylyǵyna, úsh aýysymdyq mektepterge, ırrıgatsııalyq júıelerdi jańartýǵa, medıtsına jáne qoǵamdyq kólik máselelerin sheshýge qatysty birqatar mindet júktedi.


Novostı po teme
Uqsas jańalyqtar
Seriktester jańalyqtary