+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Marat Báshimov: Prezıdent ulttyq qaýipsizdikke basa mańyz berip otyr

2020 jylǵy 10 shilde 15:17
Bólisińiz:
Marat Báshimov: Prezıdent ulttyq qaýipsizdikke basa mańyz berip otyr

NUR-SULTAN. QazAqparat – Ulttyq qoǵamdyq senim keńesiniń múshesi, Eýropalyq quqyq jáne adam quqyqtary ınstıtýtynyń dırektory Marat Báshimov Prezıdenttiń Úkimettiń keńeıtilgen otyrysyndaǵy tapsyrmalaryna qatysty pikir bildirdi. Zańgerdiń aıtýynsha bul otyrys burynǵy jıyndardan mańyzy joǵary. Sebebi qazir Úkimettiń eń mańyzdy jumysy – halyqtyń densaýlyǵyn saqtaý bolyp otyr, dep habarlaıdy QazAqparat tilshisi.

«Úkimettiń keńeıtilgen búgingi otyrysy barlyq jaǵynan da mańyzdy boldy. Óıtkeni halyq qazir bılik tarapynan naqty qandaı sharalar qabyldanatynyn kútip otyr. Eldegi jaǵdaıdy ózińiz kórip otyrsyz. Qasym-Jomart Toqaev buǵan deıin de eń aldymen qarapaıym halyqtyń ómiri men densaýlyǵyn birinshi orynǵa qoıýymyz kerektigin aıtyp ketken bolatyn. Búgin otyrysta osy sózin shegeleı túsip, halyqtyń densaýlyǵy – ulttyq qaýipsizdik máselesimen tikeleı baılanysty ekenin aıtty. ıAǵnı Prezıdent ulttyq qaýipsizdikke basa mańyz berip otyr. Sebebi azamattardyń quqyqtary men densaýlyǵy – ulttyq qaýipsizdik týraly zańnyń birinshi betterinde-aq tur. Zańger retinde Memleket basshysynyń osy sózine erekshe nazar aýdardym», - dedi Marat Báshimov QazAqparat tilshisine telefon arqyly bergen jaýabynda.

Sarapshynyń aıtýynsha Prezıdent Úkimet pen mınıstrlikterge, ákimdikterge densaýlyq saqtaý salasyn birinshi orynǵa qoıylýy kerektigin eskertkenin aıtyp ótti.

«Úkimetke eldegi ahýaldy jaqsartýǵa eki apta berildi. Bul – Úkimet úshin synaq bolǵaly tur», - dedi ol.

Eske sala ketsek Prezıdent Qasym-Jomart Toqaev koronavırýsqa qatysty ahýaldy jaqsartýǵa Úkimetke eki apta bergen bolatyn.

«Qalyptasqan ahýal eki aptadan keıin jaqsarady dep úmittenemin. Olaı bolmaǵan jaǵdaıda, jalpy Úkimettiń osy quramda jumys isteý múmkindigi týraly másele týyndaıdy», - dedi Memleket basshysy.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT