+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Marat Báshimov: Kadrlyq rezervke engen jastar endi ózderin kórsetýi kerek

2020 jylǵy 31 qańtar 16:13
Bólisińiz:
Marat Báshimov: Kadrlyq rezervke engen jastar endi ózderin kórsetýi kerek

NUR-SULTAN. QazAqparat – Prezıdenttik jastar kadrlyq rezervindegi irikteýde baqylaýshy bolǵandardyń biri - Eýropalyq quqyq jáne adam quqyqtary ınstıtýtynyń dırektory Marat Báshimov. 30 jyldan beri JOO-larda emtıhan alyp júrgen saıasattanýshy jastar úshin bul syn burynǵydan ózgerek bolǵanyn aıtady, dep habarlaıdy QazAqparat.

«Prezıdenttik jastar kadrlyq rezerv dep óziniń aty da aıtyp turǵandaı, rezerv arqyly jastar memlekettik basqarýǵa óz úlesin qosýy kerek. Kadrlyq rezervke úmitkerlerdi qabyldaýda meniń ózim baqylaýshy retinde qatysqanmyn. Jalpy, joǵary oqý oryndarynda jastardan 30 jyldan beri emtıhan qabyldap júrmin. Bul jolǵy irikteýde jumystyń bári tártipke baǵynyp, árbir jas tapsyrýshy óz tegi boıynsha áriptik retpen aldymyzǵa keldi. Menen bólek, ártúrli salada, sonyń ishinde halyqaralyq qarym-qatynasta tereń tájirıbesi bar mamandar baqylaýshy retinde jastardy irikteýden ótkizdi», - deıdi Marat Báshimov.

Saıasattanýshynyń aıtýyna qaraǵanda, bes baqylaýshy árbir úmitkermen 7 mınýt kóleminde áńgime órbitip, osydan keıin ár baqylaýshy pikirin elektrondy kúndelikke jazyp otyrǵan. Elektrondy kúndelik ary qaraı bazaǵa joldanǵan.

«Ár mamanǵa óz salasyndaǵy suraqtar qoıyldy. Eshkimdi jol ortadan qulatý pıǵylymen kúrdeli suraqtar qoıý nemese súrindirý sıpatynda áreketter bolǵan joq. Árkimniń daıyndyǵy, memlekettik qyzmetke degen nıet-peıilin áńgime barysynda ańǵarǵandaı boldyq. Bir unaǵany – aldymyzǵa kelgen jastardyń báriniń joǵary bilimi men óz salasyndaǵy bilim-biligi jetkilikti eken. Ekinshiden, 13 myń úmitkerdiń ishinen 300 adamnyń ǵana ótkeni – shynynda da laıyqtylardyń iriktelgenin bildiredi. Jas býynnyń boıynan eshkimnen qoryqpaıtyn minezdi baıqadym. Óz salańyzda memleketke qandaı úles qospaqsyz degen suraqqa múdirmeı jaýap berip otyrdy kóbi. Shynynda da, qazirgi býynnyń jalpy kózqaras kókjıeginiń keńeıip, ómirlik maqsaty men talaby ósip kele jatqanyn baıqaýǵa bolady», - deıdi ol.

Marat Báshimov jastardy irikteý óte qıynǵa túskenin aıtady.

«Bilgenimdeı, osyǵan deıin iriktelgen jastardyń birshama bóligi jumysqa ornalasyp ta úlgergen eken. Úkimettiń keńeıtilgen otyrysynda Memleket basshysy oblys ákimderi men mınıstrlerge kadrlyq rezervke engen jastarǵa kóńil bólý kerektigin aıtqan edi. ıAǵnı, jastarǵa qoldaý kerek. Endi iriktelgen jastar jumystaryn kórsetýi tıis», - dedi Marat Báshimov.

Eske sala ketsek, osy jyldyń 15 qańtarynda Aqordada Memleket basshysy Qasym-Jomart Toqaev Prezıdenttiń kadr rezervine engen jastarmen kezdesken bolatyn. Jıynda Qasym-Jomart Toqaev el jastaryna úndeý joldady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT