+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Maraldydaǵy janjal: Polıtsııa qyzmettik tekserýdiń nátıjesin jarııalady

2019 jylǵy 21 tamyz 21:15
Bólisińiz:
Maraldydaǵy janjal: Polıtsııa qyzmettik tekserýdiń nátıjesin jarııalady

NUR-SULTAN. QazAqparat - Pavlodar oblystyq polıtsııa departamenti Maraldy kólindegi janjalǵa qatysty qyzmettik tekserý júrgizdi, dep habarlaıdy QazAqparat atalǵan departamentke silteme jasap.

«Tekserý nátıjesinde 2019 jyldyń 18 tamyzynda abonent Artýr Danoıannan «102» operatorynyń pýltyna 2 qońyraýdyń túskendigi anyqtaldy. Birinshi qońyraý saǵat 20-55-te túsken. Ol kezde abonent Maraldy kóline Romanovka aýyly jaǵynan polıtsııa jiberýdi ótingen. Buǵan qosa, bazadaǵy naqtylanǵan jazbaǵa sáıkes 102 operatory birinshi qońyraýdyń úshinshi sekýndynan keıin telefon tutqasyn kóterip, shaqyrýdy qabyl alǵan. Bul fakti birden departament basshylyǵynyń baqylaýyna alyndy. Oqıǵa oryn alǵan jerge Pavlodar oblystyq polıtsııa departamenti bastyǵynyń orynbasary basqarǵan shuǵyl áreket etý arnaıy tobyn jiberýge nusqaý berdi», - dep atap ótedi vedomstvodan.

Departament málimetinshe, ekinshi qońyraý saǵat 21-12-de qabyldanǵan. Atalǵan abonentten munan ózge qońyraýlar kelip túspegen.

«102» nómirine túsetin barlyq qońyraýlar avtomatty rejımde tirkelip, jazylyp otyrady. Buǵan qosa, qońyraý kelip túskenge deıin jaýapkershiligi shekteýli seriktestik kúzetshileriniń habarlasýyna baılanysty oqıǵa ornyna kóldegi qoǵamdyq tártipti qamtamasyz etýdi júzege asyratyn shuǵyl áreket etý arnaıy toby men Sharbaqty aýdanyq polıtsııa bóliminiń polıtsııa qyzmetkerleri jiberilgen bolatyn», - delingen taratylǵan aqpartta.

Eske salsaq, buǵan deıin Pavlodar oblystyq Polıtsııa departamenti 18 tamyzda jergilikti turǵyndar men kúzet agenttiginiń qyzmetkerleri arasynda atys bolǵanyn habarlaǵan edi. Áý basta kúzet qyzmetkerleri mototsıkl arqyly eki qap artemııa salına shaıandaryn áketip bara jatqan Maraldy aýylynyń 32 jastaǵy turǵynyn ustap alǵan. Osydan keıin oqıǵa ornyna jergilikti turǵyndar kelip, taraptar arasynda atys bastalǵan. Turǵyndardyń biri kúzet agenttiginiń avtokóligin aıdap ketken. Kólik keıin tabylǵany habarlanyp otyr. Tóbeles kezinde polıtsııa qyzmetkerleri aspanǵa travmatıkalyq qarýmen oq atqannan keıin jınalǵandar tarap ketken. Sol kúni túnde Pavlodar qalalyq aýrýhanaǵa 5 adam túsken. Keıin Іshki ister mınıstri Erlan Turǵymbaev Pavlodar oblysynyń Maraldy aýylyndaǵy atystyń mán-jaıyn túsindirip berdi.

«Ol jaqtaǵy kól ınvestorǵa jalǵa berilgen. Investor atalǵan kóldiń tabıǵı baılyǵyn baǵyp, balyǵyn aýlaýmen aınalysady. Másele - sanktsııalanbaǵan balyq aýlaý jaǵdaılary men arnaıy shaıandardyń aýlanýynda. Biraq, bul shaıandardyń aýlanýy boıynsha arnaıy kvota bar. Kvotadan asyryp, shaıandy aýlaýǵa bolmaıdy. Sol sebepti, bul shaıandardy aýlaý boıynsha brakonerlik áreket bolmaý úshin kvota belgilengen. Biraq, jergilikti turǵyndar shaıandy kvotasyz aýlaǵandyqtan, atalǵan kásipker arnaıy kúzet qyzmetin jaldaǵan. Munyń bári aınalyp kelip, jergilikti turǵyndar men kúzet qyzmetkerleri arasynda tóbelespen aıaqtalyp, BAQ-ta kórgenińizdeı janjal bolyp, travmatıkalyq qarý qoldanylǵan», - degen edi Erlan Turǵymbaev Úkimet otyrysynan keıin tilshilerdiń suraǵyna jaýap bere otyryp.

Bizdiń kanalymyzǵa jazylyńyz:

Bólisińiz:

Aýdarma:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT