+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Manzorov isi: Agenttik Bas prokýratýra sheshimine narazylyq tanytty

2019 jylǵy 31 qazan 12:29
Bólisińiz:
Manzorov isi: Agenttik Bas prokýratýra sheshimine narazylyq tanytty

NUR-SULTAN. QazAqparat - QR Sybaılas jemqoryqqa qarsy is-qımyl agenttigi Bas prokýratýranyń Almaty oblysy ákiminiń orynbasary Baǵdat Manzorovqa qatysty qylmystyq isti jabý sheshimine narazylyq tanytty. Bul týraly atalǵan agenttiktiń 1-departamentiniń basshysy Qanat Súleımenov aıtty, dep habarlaıdy QazAqparat tilshisi.

«Faktilerge súıenýimiz kerek. Bizge agenttikke eki azamatymyz júgindi. Olardyń shaǵymdaryn sotqa deıingi tergeýdiń biryńǵaı tizilimine tirkep, tergeýdi bastadyq. Bul birinshi fakti. Ekinshi fakti, qylmystyq isti tergeý barysynda Bas prokýratýra talap etti jáne qylmys iziniń bolmaǵany úshin toqtatty. Qazirgi ýaqytta biz bul sheshimmen kelispeıtindigimizdi jáne oǵan qarsylyq bildirdik. Qazir ol Bas prokýrordyń qaraýynda jatyrá,- dedi ol agenttiktiń alqa májilisi aıasynda BAQ ókilderine bergen suhbatynda.

Osy oraıda ol tergeýdiń mán-jaıy qupııa ekendigin, ony prokýratýra organdarynyń kelisimimen ǵana jarııalaýǵa bolatyndyǵyn aıtty.

Sonymen qatar, departament basshysy Bas prokýror tarapynan agenttikke zańdylyqty buzýǵa jol bergen qyzmetkerlerdi tártiptik jaýapkershilikke tartý týraly usynym túskendigin rastady.

«Bizge usynym tústi. Bul usynymdy basshylyq qaraıdy jáne onyń qanshalyqty negizgi ekendigin jáne kimniń tártiptik jaýapkershilikke tartylatyndyǵyn sheshedi», - dedi Q.Súleımenov.

Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deıin habarlaǵan bolatynbyz. Sondaı-aq, Agenttik oǵan qandaı aıyp taǵylǵanyn aıtty.

Bas prokýratýra Baǵdat Manzorovqa qatysty qylmystyq is toqtatylǵanyn resmı túrde málimdedi. Sheneýnik qyzmetine oraldy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT