Mańǵystaýlyq jas jigit bylǵarydan aıaq kıim tigý kásibin bastady
2021 jylǵy 25 naýryz 06:31

Mańǵystaýlyq jas jigit bylǵarydan aıaq kıim tigý kásibin bastady

AQTAÝ. QazAqparat – Mańǵystaý oblysy Beıneý aýylynyń turǵyny Ǵalymjan Lepesov sıyr men qoı terisin óńdep, daıyn bolǵan bylǵarydan aıaq kıim tigedi, dep habarlaıdy QazAqparat tilshisi. Іsmer bul kásipke bala kezden mashyqtanǵan.

Beıneý aýdany ákimdiginiń baspasóz qyzmeti usynǵan málimetke sáıkes, ismer alǵashynda temirden, aǵashtan ártúrli pishimder ázirleı júrip, turmystyq buıymdar, úı jabdyqtaryn jasaıdy. Búginde ol etik tigý isin bastady.

«Qazirgi ýaqytta tek erlerge arnalǵan aıaq kıim tigip jatyrmyn. Aldymen tapsyrys berýshiniń ólshemin alyp, daıyn bolý ýaqytyn kelisip alamyn. Keıin kerekti materıaldardy daıyndap, aıaq kıim jasaýǵa kirisemin. Shaǵyn ǵana tsehymda arnaıy qurylǵylarym bar. Tutynýshynyń kóńilinen shyǵyp, oıyndaǵydaı etip jasaýǵa bar kúshimdi salamyn. Aldaǵy ýaqytta shaǵyn tsehty kásipkerlikti qoldaıtyn memlekettik baǵdarlamalar arqyly odan ári damytyp keńeıtý josparda bar», - dedi Ǵalymjan Lepesov.


Avtor:
Tilshi

Jańalyqtar

MURAǴAT