+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Mańǵystaýlyq ekoambassador: Qarakól kóline halyqaralyq mártebe berý kerek

2020 jylǵy 5 maýsym 21:44
Bólisińiz:
Mańǵystaýlyq ekoambassador: Qarakól kóline halyqaralyq mártebe berý kerek

AQTAÝ. QazAqparat - Mańǵystaýlyq ekoambassador Ádilbek Qozybaqov Ramsar konventsııasy Qazaqstan tabıǵatyna qandaı paıdasyn tıgizetinin túsindirdi, dep habarlaıdy QazAqparat tilshisi.

Uqsas jańalyqtar
Eń jas ekobelsendi: Eshkim sýdy tıimdi paıdalanyp jatqan joq Aıgúl Soloveva: Prezıdent ekologııa máselesin júıeli túrde sheshýdi tapsyrdy Ásel Baımuqanova: Prezıdenttiń ekologııa salasyndaǵy bastamasy qazir asa mańyzdy

Onyń aıtýynsha, 1971 jyldyń 2 aqpanynda Irannyń Ramsar qalasynda negizinen sýda júzetin qustar mekendeıtin halyqaralyq mańyzy bar sýly-batpaqty jerler týraly konventsııa nemese Ramsar konventsııasy qabyldanǵan. Qazaqstanda bul qujat 2007 jyly kúshine endi.

Búgingi tańda Qazaqstanda halyqaralyq mańyzy bar sýly-batpaqty 10 alqap bar, jalpy aýdany - 3 281 398 ga.

«Ortalyq Azııadaǵy Ramsar konventsııasynyń qaǵıdattaryn ilgeriletý úshin bes el (Qazaqstan, Qyrǵyzstan, Túrkimenstan, Ózbekstan jáne Tájikstan) arasyndaǵy yntymaqtastyq pen ózara is-qımyldy kúsheıtý arqyly 2016 jyly Ortalyq Azııanyń Ramsar óńirlik bastamasy quryldy. Úlken aýmaqty ekspress-baǵalaý jumysyna menimen birge Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasy basshysynyń orynbasary Esenqos Ádilbaev pen Aqtaý qalasynyń hımııa-bıologııa baǵytyndaǵy Nazarbaev Zııatkerlik mektebi dırektorynyń orynbasary Baqytgúl Jaqsylyqova qatysty. Bizge postkeńestik keńistiktegi eń bedeldi ǵalym-ornıtologtardyń biri, professor Eldar Rýstamov baǵa jetpes konsýltatsııalyq kómek kórsetti», – deıdi Ádilbek Qozybaqov.

Eske sala keteıik, 3 aqpanda Nur-Sultan qalasynda «Volonterler jyly» aıasynda ekologııalyq qaýymdastyqtar men volonterlerdiń sleti ótti. Mańǵystaýlyq ekovolonter, bıolog Ádilbek Qozybaqov Mańǵystaý oblysy boıynsha «resmı ambassador» bolyp saılandy.

Ol ekovolonterlikpen 2004 jyldan beri aınalysady. Sońǵy jyldary ol jergilikti jastardy bıoalýandyqty saqtaý jónindegi túrli is-sharalar men jobalarǵa belsendi túrde tartady.

Mysaly, 2016 jyldan bastap jyl saıyn qańtar aıynyń ortasynda Aqtaý mańynda Qarakól kólinde sýda júzetin jáne sý mańyndaǵy qustardyń halyqaralyq qysqy esebin uıymdastyryp júr. Sınhrondy esep qus túrleriniń sanyn obektıvti baǵalaýǵa jáne olardy saqtaý boıynsha qajetti sharalardy ýaqtyly qabyldaýǵa múmkindik beredi.

Sondaı-aq, ol Qazaqstannyń negizgi orntologııalyq aýmaqtarynyń biri retinde Qarakól kólin sanıtarlyq tazalaý boıynsha ekologııalyq aktsııalardy jıi uıymdastyrady.

Sondaı-aq, ol Mańǵystaý jurtshylyǵyna aqbóken múıizin zańsyz satýǵa qarsy aýqymdy aqparattyq kampanııalardyń bastamashysy jáne uıymdastyrýshysy retinde jáne Ústirt qoryǵyn ıÝNESKO-nyń dúnıejúzilik mura tizimine nomınatsııalaýdy qoldaýshy retinde belgili. Bul aktsııalarǵa jalpy alǵanda 3000-nan astam adam qatysty, olar - negizinen oqýshylar men stýdentter.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT