+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Mańǵystaýda jol apatynan zardap shekken áıel jedel járdemdi eki saǵat kútip kóz jumdy

2020 jylǵy 30 qyrkúıek 20:51
Bólisińiz:
Mańǵystaýda jol apatynan zardap shekken áıel jedel járdemdi eki saǵat kútip kóz jumdy

AQTAÝ. QazAqparat - Mańǵystaýda jol apatyna túsken áıel jedel járdem kóligi kútip qaıtys boldy, dep habarlaıdy QazAqparat tilshisi. Oqıǵa kýágerleriniń aıtýynsha, dárigerler apat bolǵan jerge eki saǵattan keıin kelgen.

Uqsas jańalyqtar
Aqmola oblysynda jol apatyna ushyraǵan kólik órtenip, eki adam qaza tapty Pavlodarda jeńil kólik jaıaý júrginshiler jolynda eki jasóspirimdi qaǵyp ketti BQO-da kólik apatyna baılanysty qylmystyq is qozǵaldy

Jol apaty búgin túnde Saıótes aýylynan 20 shaqyrym jerde bolǵan. Kólik jylqyǵa soǵylǵan.

«Biz sol jerden ótip bara jatqanda jol apatyn kórdik. Kólikti 45 jastaǵy er adam júrgizgen. Jolaýshy otyratyn orynda áıeli bolǵan. Apat kezinde aldyńǵy áınek áıelge qulaǵan. Men jedel járdem shaqyra bastadym. Dıspetcher oqıǵa ornyna kólik jiberilgenin aıtty. Biraq, biz ony eki saǵattan artyq kúttik. Men dıspetcherge áıeldi ózim aýrýhanaǵa aparýdy usyndym. Biraq, bizge áıeldi ornynan qozǵamaý kerektigin aıtty. Nátıjesinde zardap shekken áıel dárigerler jetkenshe, oqıǵa ornynda qaıtys boldy. Onyń kúıeýine de kómek kerek edi. Murny synǵan, omyrtqasyna zaqym kelgen. Men kóp kútpeı polıtsııaǵa qońyraý shaldym. Olar tez kelip, er adamdy ózderimen birge alyp ketti. Nelikten dárigerler apattyń bolǵanyn bile tura tez kelmegeni meni tań qaldyrady. Olar erterek kelgende adamnyń ómirin saqtap qalatyn ba edi? Olar Atyraýdan kele jatqan erli-zaıypty eken» , - dedi kýáger.


Osy oqıǵaǵa qatysty oblystyń Densaýlyq saqtaý basqarmasy túsinikteme berdi.

Jedel kóligin shaqyrtý týraly qońyraý Mańǵystaý aýdandyq ortalyq aýrýhanasyna túsken. Jol-kólik oqıǵasy aýdan ortalyǵy Shetpe kentinen 80 shaqyrym jerde ornalasqan Man ata taýyna jaqyn jerde bolǵan. Dárigerler kelgenge deıin áıel adam kóz jumdy. Óıtkeni, ol qatty soqqy alǵan. Er adam aýyr halde aldymen aýdandyq aýrýhanaǵa jetkizildi, sodan keıin ony Mańǵystaý oblystyq aýrýhanasyna aýystyryldy», - dep túsindirdi Mańǵystaý oblystyq Densaýlyq saqtaý basqarmasynyń ókili.

Sondaı-aq, basqarmadaǵylar jedel járdemniń uzaq kelýin aq halattylardyń dál sol ýaqytta taǵy bir jol-kólik apatynan zardap shekken jastarǵa kómek kórsetip jatqandyǵymen túsindirdi.


Avtory Qarakóz Marat


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT