Mańǵystaýda jarty jylda 24 jumysshy aýyr óndiristik jaraqat alǵan
2022 jylǵy 15 tamyz 14:24

Mańǵystaýda jarty jylda 24 jumysshy aýyr óndiristik jaraqat alǵan

AQTAÝ. QazAqparat – Bıylǵy 6 aıda Mańǵystaý oblysynda 24 jumysshy óndiriste aýyr jaraqat alyp, 1 jumysker kóz jumǵan. Bul týraly Mańǵystaý oblysy memlekettik eńbek ınspektsııasynyń basshysy Áliger Іńkárov málim etti, dep habarlaıdy QazAqparat tilshisi.

«Bıylǵy jartyjyldyqta oblystaǵy kásiporyndarda 19 jazataıym oqıǵa boldy. Ár jaǵdaı boıynsha arnaıy komıssııalar qurylyp, tergep-tekserýler júrgizildi. Óndiristegi jazataıym oqıǵalardyń saldarynan 25 jumysker zardap shekti. Onyń 24-i aýyr jaraqat alsa, 1 jumysshy jumys ornynda qaza tapqan», - dedi Áliger Іńkárov.

Sonymen qatar, jyl basynan beri óńirlik eńbek ınspektorlary jospardan tys tekserýler júrgizgen. Nátıjesinde 186 zań buzýshylyq anyqtalyp, 19 eskertý jasalyp, 13 ákimshilik quqyq buzýshylyq týraly hattama toltyrylǵan. Salynǵan jalpy aıyppul somasy 3 mln teńgeden asady.

Jergilikti quzyrly organ málimetinshe, óndiristegi eń kóp jazataıym oqıǵalar «Qarajanbasmunaı» AQ, «Oil Services Company» JShS, «KEZBI» JShS kásiporyndarynda tirkelgen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT