Mańǵystaýda zańsyz qoqys tógý kóbeıip barady

AQTAÝ. QazAqparat - Óńirde turmystyq qatty qaldyqtar alańy jyl saıyn kóbeıip barady. Ásirese, Aqtaý qalasy, Túpqaraǵan jáne Munaıly aýdandaryndaǵy alańdarda qoqys úıilip qalǵan,-dep habarlaıdy QazAqparat tilshisi. Bul týraly Mańǵystaý oblysy ekologııa departamentiniń basshysy Rýslan Týkenov málimdedi.

Uqsas jańalyqtar

Ekologııa mınıstrligi Esil ózeninde sý túsiniń ózgerýine qatysty túsinik berdi

AQSh-ta ómir súretin jabaıy janýar Almaty kóshelerinde júr Stepnogorskide PHD-qaldyqtaryn ýtılızatsııalaý zaýyty bolmaıdy – Ekologııa mınıstrligi Ekologııa mınıstrliginiń jedel jelisine qoqystar boıynsha 515 shaǵym túsken

Búginde ýákiletti organnyń tikeleı tapsyrmasymen «Qazaqstan ǵarysh sapary» ulttyq kompanııasy oblys ortalyǵy — Aqtaý qalasy, Túpqaraǵan jáne Munaıly aýmaǵyn sýretke túsirip, qoqys qaldyqtarynyń 194 núktesin anyqtap berdi. Atap aıtqanda Aqtaý qalasy aýmaǵynda 81, Munaıly aýdany boıynsha 87 jáne Túpqaraǵanda 26 qoqys alańy tirkelip otyr. Nátıjesinde qatty turmystyq qaldyqtardy joıý men ornalastyrýda ekologııalyq kodeks normalary óreskel buzylǵandyǵy anyqtalǵan.

Mańǵystaý oblysy ekologııa departamentiniń basshysy Rýslan Týkenovtyń aıtýynsha, jergilikti atqarýshy organdar jáne tártip saqshylary tarapynan profılaktıkalyq jumystar kúsheıtilgenine qaramastan, nátıje kóńil qýantpaıdy.

«Jer anany osyndaı kúıge jetkizip otyrǵan turǵyndardyń ózderi. Bul negizinen múlde tehnogendik apat nemese tabıǵı qubylys emes, bul taza adamı faktor. Ókinishtisi sol, azamattar ekologııa máselesin keıinge qaldyrýmen keledi. Bul durys emes. Qorshaǵan ortany qorǵaý - barshaǵa ortaq paryz», - deıdi ol. Munaılyda 23, Túpqaraǵanda 16, Aqtaý qalasynda 10 núkte tazalanǵan. Osylaısha barlyǵy 49 alań qalpyna keltirilgen.

Jabaıy qoqys alańdaryn joıý maqsatynda Mańǵystaý oblysy ákimdigi tarapynan arnaıy tehnıka jáne jumysshylar jumyldyrylyp, ár senbi saıyn bir kúnde ( shamamen 20) tonnaǵa jýyq kúl qoqys shyǵarylýda.