+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Mańǵystaýda rezervke 600 oryn provızorlyq statsıonar daıyndaldy

2020 jylǵy 9 shilde 22:10
Bólisińiz:
Mańǵystaýda rezervke 600 oryn provızorlyq statsıonar daıyndaldy

AQTAÝ. QazAqparat - Mańǵystaýda pnevmonııamen aýyrǵan naýqastar sany azaımaı otyr. Osyǵan sáıkes, provızorlyq statsıonarlar jan-jaqty daıyndalýda, dep habarlaıdy Qazaqparat tilshisi.

Uqsas jańalyqtar
Koronavırýs ınfektsııasynyń belgisi bar 972 pnevmonııa tirkeldi Qazaqstanda  2 079 adam koronavırýstan emdelip shyqty Elimizde 517 adam koronavırýs juqtyrdy

Bul týraly Mańǵystaýdaǵy koronavırýspen kúres sharalary taqyrybyna arnalǵan onlaın brıfıngide oblys ákimi Serikbaı Trumov málimdedi.

​Jalpy densaýlyq saqtaý uıymdarynda barlyǵy 1 766 tósek-oryn daıyndaldy. Sonyń ishinde, ınfektsııalyq statsıonarda 230 tósek oryn, provızorlyq statsıonarda 1 346 tósek oryn jáne karantın statsıonarynda 190 tósek oryn jasaqtaldy. Búgingi kúni olardyń syıymdylyǵy 76%-dy qurap otyr. Sonymen birge, oblys boıynsha qosymsha rezervke 600 tósek orynǵa provızorlyq statsıonar daıyndaldy. Rezerv provızorlar barlyq qala men aýdandarda jasaqtaldy.

​Al, Mańǵystaý oblystyq aýrýhanasy óńirdegi epıdemıologııalyq ahýalǵa baılanysty tolyǵymen kópbeıindi provızorlyq statsıonarǵa aýystyryldy. Ol jerde 650 tósek oryny qarastyrylǵan. Al osyǵan deıin oblystyq aýrýhanada kórsetilgen shuǵyl medıtsınalyq kómekter endi kelesi medıtsınalyq uıymdarǵa berildi:

1.​«Sofie Medgroup» medıtsına ortalyǵynda travmotologııa, neırohırýrgııa jáne ýrologııa boıynsha;

2.​«Archımed» medıtsınalyq ortalyǵynda kardıologııa, hırýrgııa jáne ınsýlt boıynsha;

3.​«ıAsın» medıtsınalyq ortalyǵynda terapııa boıynsha;

4.​«Neıron» medıtsınalyq ortalyǵynda lor jáne oftalmologııa boıynsha naýqastardy qabyldaıdy.

5.​Sonymen birge, «Oblystyq onkologııalyq ortalyqtyń» jańa ǵımaraty jaqyn arada iske qosylatyn bolady jáne ol onkologııa boıynsha naýqastardy qabyldaıtyn bolady. Atalǵan medıtsınalyq mekemelerdegi qyzmet tegin kórsetiledi.

​ Jalpy óńirde koronavırýs ınfektsııasyn juqtyrǵan resmı – 1 672 adam tirkelip otyr, onyń ishinde sımptomsyz – 1 140 adam bar. 664 naýqas emdelip shyqqan. Sonymen birge, oblysta pnevmonııa keń taralýda. Búgingi tańda 1 025 naýqas em alyp jatyr. Kúnine ortasha eseppen pnevmonııa aýrýy boıynsha 300-ge jýyq adam shaǵymdanyp, sonyń ishinde 150-ge jýyq adam aýrýhanaǵa jatqyzylýda. Alaıda, sońǵy kúnderdegi derekter naýqastar sanynyń tómendegenin kórsetip otyr.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT