+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Mańǵystaýda Murat Óskinbaevqa arnalǵan jyr keshi ótti

2019 jylǵy 15 qarasha 13:39
Bólisińiz:
Mańǵystaýda Murat Óskinbaevqa arnalǵan jyr keshi ótti

AQTAÝ. QazAqparat - Aqyn Murat Óskinbaevtyń týǵanyna 115 jyl tolýyna oraı «Kúıge kenen jyr-sandyq» atty kesh ótti, dep habarlaıdy QazAqparat tilshisi.

Uqsas jańalyqtar
Qyzylordalyq jas jyraýlar Bakýde júldeli boldy

Sharada Abyl Taraquly atyndaǵy ult-aspaptar orkestriniń súıemeldeýimen túrli shyǵarmalar oryndaldy.

Murat Óskinbaev - Sypyradan qalǵan jyrshy, kúıshi, Adaıdyń jeti qaıqysynyń izbasary, Mańǵystaýdyń marǵasqa maqtanyshy. El arasynda osylaı tanylǵan ónerpaz 300-ge jýyq kúıdiń avtory. Keshte aldymen osy shyǵarmalar jınaqtalǵan mýzyka zertteýshisi Aıtbergen Jańbyrshynyń «Kúı qonyp, kıe daryǵan áýlet» atty kitabynyń tusaýkeseri ótti.

Sharaǵa arnaıy kelgen oblys ákiminiń orynbasary Qanybek Jumashev qazaq kúı óneriniń maıtalmany Murat Óskinbaevty túrkilik mýzykanyń bilgir oryndaýshysy retinde fenomenge teńedi.

«Ózi sheber shertetin ańyz kúılerindeı taǵdyry talaıly tulǵa. Osynaý tar jol, taıǵaq keshýde basyn aman saqtap, dem bergen alapat kúsh - halyqtyń amanaty. Sol amanatqa qylaý túsirmeı, keıingi urpaqqa jetkizdi. Ónerpaz óz qoltańbasyn qaldyrdy»,-deıdi Qanybek Jumashev.

Keshte ólkege tanymal ónerpazdar Serjan Shákirat, Ospan Qulsymaq, Temirbek Asqanbaev, Roza Aıdarbaevalar ánnen shashý shashyp, kórermenniń qulaq quryshyn qandyrdy. Sondaı-aq, áke jolyn jalǵastyrýshy Murat Óskinbaevtyń uly Ázirbaı Óskinbaev týyndylaryn oryndap berdi.


«Búgingi kesh óte jaqsy deńgeıde ótip jatyr. Munyń ereksheligi, ákemizdiń kúı ónerimen dáriptelip kelse, keshte Óskinbaıdan bastap, jyry, termeleri, ánderi, bir sózben búkil shyǵarmalarynyń bári oryndalyp jatyr. Óte rızamyz. Rýhanı jańǵyrýǵa keletin bolsaq, bizdiń rýhymyz - kúıde, dombyrada jatyr»,-deıdi Ázirbaı Óskinbaev.

Kesh sońynda 2 jylda bir ret uıymdastyrylatyn Murat Óskinbaev atyndaǵy halyqaralyq baıqaýdyń jeńimpazdary óner kórsetti.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT