+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Mańǵystaýda keme qurastyrylady - ákimdik

2020 jylǵy 27 mamyr 02:20
Bólisińiz:
Mańǵystaýda keme qurastyrylady - ákimdik

AQTAÝ. QazAqparat - 2023 jylǵa deıin ınfraqurylymdy damytýdyń jańa baǵdarlamasy boıynsha parom salý múmkindigi qarastyrylǵan. Sonymen qatar, Quryqta keme jasaý jobasy iske asyrylady, dep habarlaıdy QazAqparat tilshisi.

Qazaqstan úshin birneshe kólik habynyń qıylysynda ornalasqan Aqtaý teńiz saýda portynyń strategııalyq mańyzy joǵary. Oblys ákimi baspasóz qyzmetiniń habarlaýynsha, 2019 jyly port 3,5 mln tonnadan astam júk qabyldady, burynǵy kórsetkish 39 myń tonna bolatyn.

Iran - qazaqstandyq ónimniń negizgi satyp alýshylarynyń biri. Qazirgi tańda tasymaldanǵan munaı men munaı ónimderiniń kórsetkishteri kerisinshe ósip otyr.

Aqtaý portynda óńdelgen konteınerlerdiń kórsetkishteri 6 ese ósken. Buǵan Aqtaýdan Alıatqa (Ázerbaıjanǵa) fıder tasymalyn iske qosý sebep boldy.

Aqtaýda qazir jańa júk túrleri de qaıta baǵdarlanǵan: polıpropılen, kalıı tyńaıtqyshtary, tehnıka, mys, qurylys materıaldary. Sonymen qatar, klıentterge kepildi kólemdi tasymaldaǵan jaǵdaıda jeńildik beriledi.

Qytaı-Eýropa baǵytyndaǵy tasymaldaý kórsetkishteriniń ósýine qazaqstandyq temir jol tarıfteriniń reseılik tarıften 2-3 ese tómen bolǵany yqpal etti. Budan basqa, júktiń 90%-ǵa jýyǵy ózindik qunynan tómen baǵada tasymaldanady.

2019 jyldyń qorytyndysy boıynsha teńiz arqyly 5,8 mln tonna júk tasymaldanǵan. Onyń ishinde Quryq porty arqyly – 1,3 mln tonna, Aqtaý porty arqyly – 3,5 mln tonna, Aqtaý soltústik termınaly arqyly – 1 mln tonna. Sonymen qatar, temirjol kóliginiń kómegimen 3,8 mln tonna júk tasymaldandy.

«Porttardyń qýatyn jáne júk tasymaldaý kólemin arttyrý úshin sapaly jol-kólik júıesin qurý qajet. Sondyqtan biz avtomobıl joldaryn jóndeýge úlken mán beremiz» delingen habarlamada.

Alaıda, ázirge elimizde jeke paromdar joq ekeni belgili jáne áli de birqatar qıyndyqtar týyp otyr. Sondyqtan 2023 jylǵa qaraı Aqtaýda jańa parom salý kózdelip otyr. Bul jańa baǵdarlama aıasynda iske qosylady.

Eger parom qurylysy der kezinde bastalsa, keme qurastyrý da qolǵa alynbaq. Investorlarmen kelisip, jabdyqtary alynady. Ázirshe joba tolyq talqylanyp, qaralady.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT