+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Mańǵystaýda dezınfektsııa kezinde 2 adamnyń ólimine sebepshi bolǵan maman sottaldy

2019 jylǵy 6 jeltoqsan 14:55
Bólisińiz:
Mańǵystaýda dezınfektsııa kezinde 2 adamnyń ólimine sebepshi bolǵan maman sottaldy

AQTAÝ. QazAqparat – Munaıly aýdany Mańǵystaý aýylyndaǵy kóppáterli úılerdiń birin ýlaý barysynda tyıym salynǵan dárini qoldanǵan maman 5 jylǵa bas bostandyǵynan aıyryldy, dep habarlaıdy QazAqparat tilshisi.

Uqsas jańalyqtar

Munaıly aýdandyq sotynda QR QK 304-babynyń 3-bóligimen ýlaý jumysyn júrgizgen azamatqa qatysty qylmystyq is boıynsha úkim shyqty.

Sotta anyqtalǵandaı, J. esimdi azamat Mańǵystaý aýylynda páter ıesiniń tapsyrysymen 30 myń teńgege qandalany joıý jumysyn júrgizgen. Ol ýlaý kezinde Qazaqstan Respýblıkasynyń aýmaǵynda qoldanýǵa ruqsat etilmegen, 1-synypqa jatatyn (Úndistanda jasalǵan) aýylsharýashylyǵynda, astyq saqtaý qoımalarynda ártúrli zııankesterdi joıýǵa arnalǵan «Kvıkfos» tabletkasyn paıdalanǵan.

Saldarynan dezınfektsııa júrgizilgen páterge kórshi ornalasqan páterdiń 5 turǵyny ýlanyp, ekeýi mert boldy. Atap aıtsaq, Sh. esimdi azamat ýlanyp kóz jumǵan. Al, kámeletke tolmaǵan F. oblystyq ınfektsııalyq aýrýhanaǵa jetkizilip, jansaqtaý bóliminde esin jımastan qaıtys boldy.

Munaıly aýdandyq sotynyń úkimimen J. QR QK 304-babynyń 3-bóligimen kináli dep tanylyp, ol dezınfektsııalyq, dezınsektsııalyq jáne deratızatsııalyq qyzmetpen aınalysý quqyǵynan úsh jylǵa aıyryldy. Sondaı-aq, 5 jyl merzimge sottaldy.

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT