+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Mańǵystaýda 28 myńnan astam otbasy 50 myń teńgeden kómek aldy

2020 jylǵy 15 qazan 15:23
Bólisińiz:
Mańǵystaýda 28 myńnan astam otbasy 50 myń teńgeden kómek aldy

AQTAÝ. QazAqparat – «Nur Otan» patrııasy tóraǵasynyń birinshi orynbasary Baýyrjan Baıbek óńirlerge sapar barysynda Aqtaýda boldy. Bul týraly ol óziniń jelidegi paraqshasynda jazdy, dep habarlaıdy QazAqparat.

«Oblystyq onkologııalyq ortalyqtyń jańa ǵımaratyn aralap kórdim. Qurylysy 2008 jyldan beri sozylyp kele jatqan bul ortalyq byltyr shildedegi saparymda partııalyq baqylaýǵa alynǵan bolatyn. Zamanaýı dıagnostıkalyq keshenniń paıdalanýǵa berilýi qaterli isik aýrýlaryn bastapqy satysynda anyqtaý men emdeýdiń tıimdiligin arttyrady. Jergilikti bıliktiń málimetinshe, qajetti jabdyqtardy jetkizý taıaý ýaqytta aıaqtalady. Ortalyq ujymymen kezdesip, jaýapty jumystaryna tabys tiledim.

Sonymen birge óńirdegi partııaishilik praıremızge qatysýshylarmen, sondaı-aq jurtshylyqpen jáne úkimettik emes uıymdar ókilderimen de kezdestim. Bas qosýda partııanyń oblystyq saılaýaldy baǵdarlamasyn talqyladyq, onymen primaries.kz saıtynan tolyǵyraq tanysýǵa bolady. «Halyq únine qulaq asatyn memleket» tujyrymdamasy aıasynda bul qujatqa turǵyndardyń usynystary engiziledi. Máselen, Mańǵystaý oblysy boıynsha 770-teı usynys jınalyp, olardyń 411-i baǵdarlama jobasyna kirgizildi», - dedi B. Baıbek.

Sonymen qatar, ol «QazAzot» kásipornyna bardy.

«Memleket basshysy Q.K. Toqaevtyń el halqyna Joldaýynda aıtylǵan aýyl sharýashylyǵyna ozyq tehnologııalardy endirý jónindegi tapsyrmasyn eskerip, «QazAzot» kásipornyna bardym. Bul – qazaqstandyq aýyl sharýashylyǵymen aınalysýshylar mıneraldy tyńaıtqysh retinde keńinen paıdalanatyn ammıak pen amııak selıtrasyn óndiretin elimizdegi jalǵyz kásiporyn.

Aqtaýdyń ónerkásiptik áleýetin arttyrý jáne jańa jumys oryndaryn ashý úshin zaýytty jobalyq qýattylyǵyn jylyna 400 myń tonna mıneraldy tyńaıtqyshqa deıin ulǵaıta otyryp modernızatsııalaý josparlanýda.

Elbasy bastamashylyq etken respýblıkalyq «BizBirgemiz» aktsııasyna qatysqandary úshin kásiporyn ujymyna alǵys aıttym. Pandemııa kezinde QazAzot qyzmetkerleri oblystaǵy aýrýhanalar men statsıonarlarǵa ottegi ballondaryn óteýsiz toltyrýdy qamtamasyz etken bolatyn», -dep tolyqtyrdy patrııa tóraǵasynyń birinshi orynbasary.

Sondaı-aq, B.Baıbek Aqtaý jáne Jańaózen qalalaryndaǵy 6 myńnan astam muqtaj otbasyǵa qarjylyq qoldaý kórsetý jónindegi tapsyrmasynyń oryndalý barysyn tekserdi. Osy tólemderdi qosqanda jyl ishinde Mańǵystaý oblysynda 28 myńnan astam otbasy 50 myń teńgeden aldy, bulardyń qatarynda qart adamdar, erekshe qajettiligi bar azamattar jáne basqalary bar.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059

MURAǴAT