+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Mańǵystaý oblysynyń densaýlyq saqtaý basqarmasynyń basshysyna qatysty sot úkimi shyqty

2021 jylǵy 6 mamyr 11:02
Bólisińiz:
Mańǵystaý oblysynyń densaýlyq saqtaý basqarmasynyń basshysyna qatysty sot úkimi shyqty

AQTAÝ. QazAqparat – Aqtaý qalalyq soty Mańǵystaý oblysynyń densaýlyq saqtaý basqarmasynyń basshysy Jamal Jamanbaevaǵa qatysty qylmystyq is boıynsha úkim shyǵrdy, dep habarlaıdy QazAqparat tilshisi.

Uqsas jańalyqtar
ShQO-da memlekettik mekeme esepshisi 2 mln teńge jymqyrǵan Mańǵystaýda aýdan ákimdiginiń qyzmetkeri basshylaryn ıissýmen «satyp almaq» bolǵan - VIDEO Elordadaǵy akademııalyq orys drama teatrynyń basshylaryna sot úkimi shyqty

Sotta anyqtalǵandaı, J.Jamanbaeva Mańǵystaý oblysynyń densaýlyq saqtaý basqarmasynyń basshysy bolǵan ýaqytta belgilengen laýazymdyq mindetteri men shekteýlerge qarsy áreket ete otyryp, 2020 jyly tamyz aıynda «Covid-19» ınfektsııasynyń respýblıka aýmaǵynda keń taralýyna saı, tıisti qarjy bólinbesten buryn, 222 000 000 teńgege «Sentropharm» JShS-men 6 dana jyljymaly rentgen apparattaryn bir kózden satyp alý týraly shart jasasqan. Apparattardy satyp alý úshin 2020 jylǵy bıýdjettik josparǵa naryqtyq qunynan joǵary baǵamen bıýdjettik ótinim daıyndap, oblystyq maslıhatqa medıtsınalyq jabdyqtardy satyp alý úshin qarjy bólý týraly usynys bildirgen. Nátıjesinde qalalyq maslıhattyń sheshimimen atalǵan qarjy bólingen.

Alaıda memlekettik mekemelerdi materıaldy-tehnıkalyq qamtamasyz etý talaptaryna saı oblystyq qazynashylyq departamentinen kelisimshart tirkeýden ótpegen.

Osydan soń J.Jamanbaeva baǵynyshty medıtsınalyq mekemeler arqyly satyp alý maqsatynda aýdandyq emhana dırektorlaryna «Sentropharm» JShS-men jyljymaly rentgen apparattaryn bir kózden satyp alý tásilimen kelisimshart jasaýdy talap etken.

Osylaısha J.Jamanbaeva árbir jyljymaly rentgen apparattaryn zańsyz joǵary baǵamen satyp alýǵa yqpal etý arqyly memleketke barlyǵy 29 540 000 teńge zalal keltirgen.

Sottalýshy sotqa deıingi tergep-tekserý kezinde kinásin moıyndap, keltirilgen shyǵyndy ótep, kináni moıyndaý týraly mámile nysanyndaǵy protsestik kelisimge kelgen.

Basty sot talqylaýynda sottalýshy kináni moıyndaý týraly protsestik kelisimdi tolyqtaı qoldaıtynyn jáne is boıynsha jınaqtalǵan dáleldemelerdi daýlamaıtynyn aıtty.

Sot jaza taǵaıyndaý kezinde sottalýshynyń kámeletke tolmaǵan balalarynyń baryn, jumys ornynan jaǵymdy minezdemesin qylmystyq jaýaptylyq pen jazany jeńildetetin mán-jaılar retinde qabyldady.

Sot úkimimen J.Jamanbaeva QR QK-niń 361-baby 4 bóliginiń 3) tarmaǵymen kináli dep tanylyp, sýdıa qyzmetin, jergilikti ózin-ózi basqarý organdarynda, Qazaqstan Respýblıkasynyń Ulttyq bankinde jáne onyń vedomstvolarynda, qarjy naryǵy men qarjy uıymdaryn retteý, baqylaý jáne qadaǵalaý jónindegi ýákiletti organda, memlekettik uıymdarda jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyra otyryp, 3 jyl 6 aı merzimge bas bostandyǵyn shekteý jazasy taǵaıyndaldy.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT