+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Mańǵystaý oblysynyń ákimdigi mal sýaratyn qudyq qazýǵa sýbsıdııa bólý máselesin qarastyrýda

2021 jylǵy 27 qyrkúıek 12:12
Bólisińiz:
Mańǵystaý oblysynyń ákimdigi mal sýaratyn qudyq qazýǵa sýbsıdııa bólý máselesin qarastyrýda

AQTAÝ. QazAqparat - Mańǵystaý oblysynyń ákimdigi malǵa qajetti qudyq qazýǵa qosymsha sýbsıdııa bólý múmkindigin qarastyrýda, dep habarlaıdy QazAqparat tilshisi.

Uqsas jańalyqtar
Qýańshylyqta Mańǵystaý men Qyzylorda oblystaryna qandaı kómek kórsetildi Brekeshev: Egin sharýashylyǵyn organıkalyq ádiske tezirek kóshirý qajet Qasym-Jomart Toqaev: Qazaqstandaǵy klımattyń ózgerýi búkil Ortalyq Azııaǵa áser etedi

Óńir basshysy Nurlan Noǵaevtyń tóraǵalyǵymen oblystaǵy aýyl sharýashylyǵy salasyndaǵy ózekti máseleler talqylanǵan jıyn ótti. Bul týraly Mańǵystaý oblysy ákiminiń baspasóz qyzmeti málim etti.

Jıynǵa aýyl sharýashylyǵy salasynyń mamandary, ardagerleri, sharýa qojalyqtarynyń ıeleri men jergilikti atqarýshy organdardyń ókilderi qatysty. Tórt saǵatqa sozylǵan basqosýda mal ıeleri men memlekettik organ ókilderi syndarly suhbat quryp, pikir almasty.

Kezdesýde jem-shóp daıyndaý, mal jaıylymyna jer berý, qudyq qazý syndy birqatar máseleler qaraldy. Aımaq basshysy belsendilik tanytqan azamattarǵa alǵysyn aıtyp, jaýapty tulǵalarǵa aýyl sharýashylyǵy salasyn jaqsartýǵa arnalǵan ár azamattyń usynysyn zerdeleýdi tapsyrdy.

Jıynda sondaı-aq qazirgi tańda Mańǵystaý oblysynyń ákimdigi mal sýarýǵa qajetti qudyq qazýǵa arnalǵan sýbsıdııanyń kólemin ulǵaıtý múmkindikterin qarastyryp jatqany aıtyldy.

-Tórt túlik úshin sýdyń asa mańyzdy tirshilik kózi ekenin barlyǵymyz bilemiz. Memleket basshysy Mańǵystaý oblysyna kelgen saparynda Úkimetke qudyq qazýǵa beriletin sýbsıdııa kólemin 50-den 80 protsentke deıin arttyrýdy tapsyrdy. Budan bólek, qazir biz qudyq qazýǵa jumsalatyn shyǵyndardyń taǵy 10% jergilikti bıýdjetten sýbsıdııalaýdy qarastyryp jatyrmyz. Nátıjesinde sýbsıdııany 90% - ǵa deıin ulǵaıtqymyz keledi. Másele muqııat zerdelenip, oń sheshimin tapsa, oblystyq máslıhatqa usynatyn bolamyz, - dedi óńir basshysy.

Nurlan Noǵaev sondaı-aq jınalǵandardy aýyl sharýashylyǵyn damytý men mal baǵýda tıimdi tásilderdi qoldanýǵa shaqyrdy.

-Bıylǵy qýańshylyq oblystaǵy barlyq mal ıesiniń basyna túsken ortaq qıynshylyq, ortaq synaq boldy. Biz bul tyǵyryqtan birlesken júıeli jumystyń arqasynda ǵana shyǵa alamyz. Sala ardagerleriniń tájirıbeleri men keńesteri óte mańyzdy, ony mindetti túrde paıdalanamyz. Sondaı-aq mal sharýashylyǵymen aınalysqysy keletin ár sharýa óz múmkindigin eskergeni durys. Tabıǵı jáne klımattyq jaǵdaılar bar, jem-shóp bazasy bolý kerek, maldy baǵý qajet degendeı. Memlekettik organdar zań sheńberinde barynsha kómektesedi, biraq árbir azamattyń maly úshin jaýap bermeıdi. Aýyl sharýashylyǵyn nátıjeli júrgizý úshin júıeli jumys isteý kerek,- dedi oblys ákimi.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT