+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Mańǵystaý oblysynda modýldik ınfektsııalyq aýrýhana ashyldy

2020 jylǵy 20 qazan 21:08
Bólisińiz:
Mańǵystaý oblysynda modýldik ınfektsııalyq aýrýhana ashyldy

AQTAÝ. QazAqparat - Aqtaýda zamanaýı úlgidegi modýldi juqpaly aýrýlar aýrýhanasy iske qosyldy. Mańǵystaý oblysynyń ákimi Serikbaı Trumov jańa salynǵan nysandy aralyp kórip, medıtsınalyq mekemeniń jumysyna tabys tiledi, dep habarlaıdy QazAqparat.

Keshen Mańǵystaý oblystyq aýrýhanasyna qarasty ınfektsııalyq statsıonar retinde qyzmet atqarady. Jer kólemi 4 ga quraıdy. Aýrýhana 200 tósek-orynǵa eseptelgen jáne qajetti medıtsınalyq jabdyqtarmen tolyqtaı qamtamasyz etilgen. 180 tósek – statsıonarlyq, 20-sy – jansaqtaý oryndary. Jalpy aýdany 6763 sharshy metr bolatyn keshen modýlderge bólingen, olardyń árqaısysy túrli maqsattarǵa ıe. Mysaly, naýqastar bólmesi «E jáne F» blogynda ornalasty. Kórshi «B» blogynda – reanımatsııalyq tósekter men operatsııalyq zal. «A» blogy – qabyldaý bólimshesi, «D» blogy – ınfektsııalyq blok.


«Bul sharalar koronavırýs indetiniń yqtımal jańa tolqynyna daıyndyq barysynda iske asyrylýda. Mundaı aýrýhanalar ınfektsııany juqtyrǵan naýqastardy ýaqytyly anyqtap, oqshaýlaýǵa jáne durys em qabyldaýǵa múmkindik berip, aýrýdyń taralý qaýpin azaıtady»,-dedi S.Trumov


Palatalar bokstalǵan, ár naýqastyń tósek orny dınamıkalyq baqylaýmen, zamanaýı medıtsınalyq quraldarmen jabdyqtalǵan. Modýldik aýrýhana ózara baılanysqan, juqpaly aýrýlar qaýipsizdigi qatań saqtalǵan, bólimshelerden turady. Ár tósekke ottegi jetkizýdi qamtamasyz etetin ottekti-gazdandyrý stantsııasy bar. Bul erekshelikter ınfektsııanyń aldyn alý jáne juqtyrǵan adammen baılanysty boldyrmaý úshin jasalǵan.

Medıtsına qyzmetkerleri men em alýshylardyń qaýipsizdigi tolyqtaı qamtamasyz etilgen keshende medıtsınalyq jáne káriz qaldyqtaryn zalalsyzdandyrý, ishki aýany tazartý-jeldetý, órt dabyly, beınebaqylaý júıesi de qarastyrylǵan.

Búgingi kúni aýrýhana naýqastardy qabyldaýǵa daıyn. Onda 300-ge jýyq medıtsına qyzmetkeri jumys atqaratyn bolady. Qosymsha dárigerlerlik kadr rezervi jasaqtalǵan.

Joba «NCOC» kompanııasynyń demeýshiligimen salyndy. Saltanatty shara barysynda ınfektsııalyq aýrýhananyń qurylysyn júrgizýdegi belsendi eńbegi úshin «BL Industrial» JSSh-niń 11 qyzmetkeri oblys ákiminiń alǵys hatymen marapattaldy.



Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT