+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Mańǵystaý oblysynda qurylys qaldyqtaryna arnalǵan polıgon ashylmaq

2021 jylǵy 27 qyrkúıek 19:49
Bólisińiz:
Mańǵystaý oblysynda qurylys qaldyqtaryna arnalǵan polıgon ashylmaq

AQTAÝ. QazAqparat - Mańǵystaý oblysynyń ákimi Nurlan Noǵaevqa qatty turmystyq qaldyqtar (QTQ) polıgonyn qaıta qurý jobasy tanystyryldy, dep habarlaıdy QazAqparat tilshisi Mańǵystaý oblysy ákiminiń baspasóz qyzmetine silteme jasap.

Uqsas jańalyqtar
Mańǵystaýda bıyl túrik ınvestorlarynyń qatysýymen iri eki joba iske qosylady Aqtaýda jylytý maýsymy merziminen buryn bastalady Aqtaýda sý tushytý zaýytynyń qurylysy bastaldy

22 qyrkúıekte Mańǵystaý oblysyna kelgen sapary barysynda Prezıdent Qasym-Jomart Toqaev oblystyń áleýmettik-ekonomıkalyq damýy jónindegi keńeste jergilikti ekologııalyq problemalar jóninde aıtqan bolatyn. Memleket basshysy Úkimetke jáne oblys ákimdigine úsh jyl ishinde qatty turmystyq qaldyqtardy jınaý, suryptaý jáne qaıta óńdeýdiń tutas ınfraqurylymyn qurýdy, sondaı-aq polıgondardy normatıvtik talaptarǵa saı etip jasaqtaýdy tapsyrdy.

Búginde Munaıly aýdanynyń Baıandy aýylynda polıgondy qaıta qurýdyń ekinshi kezeńi júrgizilýde. Al jalpy aýdany 25 gektar bolatyn alty shuńqyrly polıgon 2015 jyly iske qosylǵan bolatyn. Sodan beri Aqtaý qalasy men Munaıly aýdanynyń barlyq qatty turmystyq qaldyqtary osynda tasymaldanýda. Polıgonda tehnıka men qajetti qural-jabdyqtardyń jetispeýshiliginen bolashaqta óńirge eleýli epıdemıologııalyq qaýip týýy múmkin. Sondyqtan, qazirgi ýaqytta negizgi mindet suryptaý jelilerin ornatý bolyp otyr.

Budan basqa, jaýapty azamattar Nurlan Noǵaevqa óńir respýblıkada qurylys salý boıynsha kóshbasshylar qatarynda bolǵandyqtan qurylys qaldyqtarynyń kóp mólsherde jınalatyndyǵyn da baıandady.

- Mańǵystaý oblysynda qurylystyń belsendi júrýine baılanysty Munaıly aýdanynda qurylys qaldyqtaryn jınaý jáne óńdeý alańyn ashý josparlanýda. Óńirde QTQ jınaýmen jáne shyǵarýmen 21 uıym aınalysady. Oblys boıynsha qoqysty saqtaýǵa arnalǵan 12 myńnan astam konteıner bar. Taǵy 17 myń qoqys jáshigi qajet, - dedi Mańǵystaý oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekov.

Qazirgi ýaqytta qurylys qaldyqtaryn jınap, qaıta óńdeıtin kásipkerlermen kelissózder júrgizilýde.

Kezdesý qorytyndysy boıynsha Nurlan Noǵaev jaýapty tulǵalarǵa birqatar naqty tapsyrmalar berdi.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT