Mańǵystaý oblysynda kóbelekter men qyzyl końyzdar kúrt kóbeıdi
2022 jylǵy 22 maýsym 08:48

Mańǵystaý oblysynda kóbelekter men qyzyl końyzdar kúrt kóbeıdi

AQTAÝ. QazAqparat – Aqtaýda sońǵy birneshe kúnde kóbelekter men qyzyl qońyzdar sany kúrt artty, dep habarlaıdy QazAqparat tilshisi.

Bıologtardyń aıtýynsha, buǵan alańdaýǵa esh negiz joq. Qalada ushyp júrgen jándikter – kádimgi qyzyl qońyzdar men kóbelekter adamǵa qaýip tóndirmeıdi.

Mamandar jándikterdiń tym kóp bolýyn Mańǵystaý oblysynda kóktemniń jańbyrly bolǵanymen baılanystyryp otyr.

«Aqtaýda bıyl kóktem jaýyn-shashyndy, ylǵaldy boldy, sonyń arqasynda bórtegúl, jońyshqa sııaqty ósimdikter jaqsy ósti. Al kóbelekterdiń bul túri osy ósimdikterdiń shyrynymen qorektenedi.

... Bizdiń óńirde qonys aýdaratyn alǵashqy kóbelekterdi mamyr aıynyń aıaǵynda nemese maýsymnyń ortasynda kórýge bolady. Mundaı jaǵdaılar Mańǵystaý oblysynda 2019 jyldyń maýsymynda, 2018 jyldyń mamyrynda jáne 2015 jyldyń maýsymynda baıqalǵan», - dep túsindirdi Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti jaratylystaný ǵylymdary kafedrasynyń meńgerýshisi, bıologııa professory Látıpa Qojamjarova.

Onyń sózinshe, kóbelekter shildeniń ortasynan qazannyń birinshi onkúndigine deıin ushyp, keıin ońtústikke qaıta qonys aýdarady. Olardyń baǵytyn qustardyń nemese jeldiń baǵyttaryna qarap baıqaýǵa bolady.

Mamandardyń baqylaýynsha, 2019 jyly mamyr aıynyń ekinshi jartysynda Ázerbaıjan men Túrikmenstan aýmaǵynda kezdesken qonys aýdaratyn kóbelekter Qazaqstanǵa úsh apta aıyrmashylyqpen ushyp kelgen. Boljam boıynsha olardyń endigi baǵyty – Ózbekstan.

Sol sebepti aldaǵy aptanyń sońyna qaraı Mańǵystaý óńirinde kóbelek pen qyzyl qońyzdar sany azaıady dep kútiledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT