+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Mańǵystaý oblysynda iri aýqymdaǵy áskerı oqý-jattyǵý ótti

2020 jylǵy 10 qyrkúıek 19:15
Bólisińiz:
Mańǵystaý oblysynda iri aýqymdaǵy áskerı oqý-jattyǵý ótti

NUR-SULTAN. QazAqparat - Mańǵystaýda biryńǵaı jospar boıynsha bir ýaqytta Áskerı-teńiz kúshteri men teńiz jaıaý áskerleriniń oqý-jattyǵýlary ótkizildi. Jattyǵý josparyna sáıkes arnaıy bólimsheler daǵdarys aýdanyndaǵy shartty qarýly qaqtyǵysty sheshý boıynsha taktıkalyq-atys is-qımyldaryn oryndady, dep habarlaıdy QR QM baspasóz qyzmeti.

Uqsas jańalyqtar

Oqý-jattyǵýdyń negizgi maqsaty elimizdiń Batys óńirdegi qaýipsizdigin qamtamasyz etý boıynsha birlesken is-qımyldardy pysyqtaý boldy. Qarýly Kúshterden basqa manevr jasaýǵa «Beket-2020» vedomstvoaralyq keshendi oqý-jattyǵýy sheńberindegi is-sharalarǵa qatysqan basqa da memlekettik organdardyń qurylymdyq bólimsheleri tartyldy.

Sonymen qatar, oqý-jattyǵý barysynda naqty jaýyngerlik jaǵdaılarǵa barynsha jaqyn, keshendi táýekelder men gıbrıdti sıpattaǵy qaýip-qaterlerge, sondaı-aq shartty qarsylastyń áreketterine den qoıý qajettiligin eskeretin jaǵdaılar qarastyryldy.

Arnaıy operatsııa kúshteri oqý-jattyǵý barysynda ushqyshsyz ushý apparattaryn qoldana otyryp, jergilikti jerdi barlaýdy úzdiksiz júzege asyrdy. Bul zańsyz qarýly quralymdardy der kezinde anyqtaý men áskerı bólimshelerdi aldaǵy is-qımyldardyń baǵyty týraly baǵdarlaýǵa múmkindik berdi.


Áskerı teńizshiler teńizdiń ekonomıkalyq qyzmet nysandary men jaǵalaýdy qorǵaý boıynsha is-sharalar ótkizdi. Zymyrandy-artıllerııalyq katerlerdiń kúshteri teńizden shartty qarsylastyń shabýylyna toıtarys berdi. Sondaı-aq elimizdiń teńiz shekarasyn buzǵan kemelerdi oqshaýlaý jáne beıtaraptandyrý júrgizildi.

Birqatar mańyzdy tapsyrmalardy jaýyngerlik júzýshilerden quralǵan jasaq oryndady. Berilgen aımaqta aýa men qaıyqtardan qoný arqyly jaýyngerler sý astyndaǵy barlaýshylardyń is-qımyldarynyń aldyn aldy. Qaıyqtardy jaý dıversanttarynan qorǵaýdy uıymdastyrdy, sonymen qatar shartty jaýdyń kemesin jasyryn túrde mınalandyrdy.


Teńiz jaıaý áskerleri shekara mańyndaǵy aýdanda qarýly qaqtyǵysty oqshaýlaý, onyń ishinde bosqyndar lagerlerin óristetý, olarmen qajetti aqparattyq jáne psıhologııalyq jumysty uıymdastyrý máselelerin pysyqtady.

Qazirgi tańda áskerlerde, birinshi kezekte arnaıy operatsııalar kúshteri men arnaıy maqsattaǵy bólimshelerde belsendi túrde engizilip jatqan armııalyq taktıkalyq atysty qoldana otyryp, arnaıy bólimshelerdiń is-qımyly jekeleı kórsetildi. Bul jeke quramnyń jaýyngerlik daıarlyǵynda jańa baǵyt pen zamanaýı erekshelikterin eskere otyryp, jaýyngerlerdiń urys jyldamdyǵyn, qarsylastyń tikeleı jaqyndyǵy men jaýyngerlik tártipke óristetý úshin jaǵdaılardyń oryn almaýy kezeńinde jaýyngerlik is-qımyldardy júrgizý daǵdylaryna basty nazar aýdarylady. Áskerı qyzmetshiler armııalyq taktıkalyq atys jattyǵýlaryn oryndaý barysynda atys qarýyn, sondaı-aq sýyq qarýdy, atap aıtqanda pyshaqty, saper kúrekterin jáne t.b. qoldana otyryp, qarsylasty ártúrli erejelerden jeńýdi júzege asyrady. Mundaı is-qımyl jaýyngerlerden tek senimdi kásibı daǵdylardy ǵana emes, jeke qurammen turaqty negizde ótkiziletin arnaıy psıhologııalyq daıyndyqty da talap etedi.


Oqý-jattyǵýdyń belsendi kezeńin Qazaqstan Respýblıkasynyń Qorǵanys mınıstri general-leıtenant Nurlan Ermekbaev pen Mańǵystaý oblysynyń ákimi Serikbaı Turymov qadaǵalady. Olar jaýyngerlerdiń kásibıligine, Qarýly Kúshter bólimsheleri men basqa da memlekettik organdardyń óńirdegi daǵdarystyq jaǵdaıdy joıý jónindegi mindetterdi sheshýdegi is-qımyldarynyń úılesimdiligine joǵary baǵa berdi.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT