Jańalyqtar  >
  Qoǵam

Mańǵystaý oblysynda 50 qarııa teńizge katermen saıahattady

2022 jylǵy 30 qyrkúıek, 23:13
Mańǵystaý oblysynda 50 qarııa teńizge katermen saıahattady

AQTAÝ. QazAqparat – Mańǵystaý óńirinde 1 qazan – Qarttar kúnine oraı birneshe shara josparlandy. Olardy jergilikti úkimettik emes uıymdar, bilim berý uıymdary, azamattyq qoǵam ókilderi uıymdastyrady, dep habarlady QazAqparat tilshisi.

«1-10 qazan aralyǵynda «Qaıyrymdylyq» aktsııasy uıymdastyrylyp otyr. Atalǵan sharalardy ótkizý qyrkúıek aıynyń sońǵy aptasynan bastalyp ketti. Jospar boıynsha 50 qart teńizge katermen saıahattady. Sondaı-aq qalanyń jańa shaǵyn aýdandaryna avtobýspen serýenge shyqty. 87 qart azyq-túlik toptamasymen qamtylyp, 10 qart qarjylaı kómek aldy. Taǵy 32-sine merekelik túski as uıymdastyryldy»,- dedi Mańǵystaý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Jaısangúl Dospolova.

Jalpy Mańǵystaý oblysy boıynsha qart sanatyna jatatyn 57 530 adam bar. Al Aqtaýdaǵy №2 arnaýly áleýmettik qyzmetter kórsetý ortalyǵynda egde jastaǵy 119 adam turyp jatyr. Olarǵa 102 qyzmetker kútim jasaıdy.


Seriktester jańalyqtary

Jańalyqtar

https://www.inform.kz/qz/mangystau-oblysynda-50-kariya-tenizge-katermen-sayahattady_a3985528
https://www.inform.kz/qz/mangystau-oblysynda-50-kariya-tenizge-katermen-sayahattady_a3985528