+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Mańǵystaý oblysynda 11 adam jándikterge qarsy preparattardan ýlanǵan

2020 jylǵy 20 aqpan 02:14
Bólisińiz:
Mańǵystaý oblysynda 11 adam jándikterge qarsy preparattardan ýlanǵan

AQTAÝ. QazAqparat – Bıyl bir jarym aıdyń ishinde Mańǵystaý oblysynda 11 adam jándikter men kemirgishterge qarsy preparattardan ajal qusha jazdady, dep habarlaıdy QazAqparat tilshisi.

Aqtaý qalasynyń ákimdigi men sanıtarııa salasynyń mamandary dúkenderge reıd jasap, túsindirý sharalaryn júrgizdi.

«Taraqan men qandaladan sharshadyńyz ba?» Bazar syrtynda osyndaı jarnalamalar jeterlik. Al, dúken sórelerindegi dárilerden kóz súrinedi. Qaltańyz kóterse, qalaǵanyn alýǵa bolady. Qorǵanysh maskasy men arnaıy kıim bolsa bolǵany. Abaılap, mólsherimen qoldansańyz, túk te bolmaıdy – satýshylardyń turǵyndarǵa eskerteri osy ǵana. Alaıda, mamandardyń aıtýynsha, buǵan eshkim kepildik bere almaıdy. Aldymen, satýǵa ruqsat qaǵazy bolýy kerek. Preparattardyń túrli áseri bar. Ásirese, sońy adam ólimine ákelip soqqan jaǵdaılardyń birinde turǵyn úılerge arnalmaǵan ýly hımıkat paıdalanylǵany anyqtalǵan. Sondyqtan arnaıy mekemelerge júgingen jón. Sharanyń maqsaty da osy – ýlanýdyń aldyn alý.

«Negizgi mindet – dárileýdiń sapasyz, durys qoldanylmaý saldarynyń aldyn alý, kásipkerler men halyqqa eskertý. Tekserip, qaradyq. Keıbir ýly zattardyń sertıfıkattary joq. Sertıfıkaty bolsa da, ony qoldaný boıynsha túsindirý sharalaryn jasamaıdy», - deıdi Aqtaý qalasy ákiminiń orynbasary Serik Gýsman.

Qalada 1 myńǵa jýyq turǵyn úı bolsa, olarǵa 77 páter ıeleri kooperatıvi qyzmet kórsetedi. Tártip boıynsha, olar jylyna 2 ret jertóleni jándikterge qarsy ýlaýy tıis. «Al, páter ishin dezınfektsııalaýdy turǵyndar óz jaýapkershiligine alady», - deıdi S.Gýsman.

Aıta keteıik, byltyr dezınsektsııa jáne deratızatsııa preparattarynan ýlanýdyń 13 oqıǵasy tirkelip, 3 adam kóz jumdy. Onyń ekeýi – bala. Jýyrda taǵy bir otbasy ajal qusha jazdady. Abyroı bolǵanda, dárigerler der kezinde kómek kórsetip, 3 adamdy aman alyp qaldy. Al jalpy, jyl bastalǵaly oblysta 11 adam ýlanǵan.


Bizdiń kanalymyzǵa jazylyńyz:

Basty sózder: Mańǵystaý oblysy, Qoǵam, Aımaq,
Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT