Mańǵystaý oblysy ákiminiń orynbasary Ǵalymjan Nııazov 2 aıǵa qamaýǵa alyndy
2022 jylǵy 4 aqpan 15:04

Mańǵystaý oblysy ákiminiń orynbasary Ǵalymjan Nııazov 2 aıǵa qamaýǵa alyndy

AQTAÝ. QazAqparat – Qarjy monıtorıngi agenttiginiń Mańǵystaý oblystyq departamenti Mańǵystaý oblysy ákiminiń orynbasary Ǵalymjan Nııazovtyń ustalǵanyn rastady, dep habarlaıdy QazAqparat.

Ol suıyltylǵan munaı-gazyn jetkizý salasyna jaýapty bolǵan. Qazirgi tańda qyzmettik ýákiletin asyra paıdalandy degen kúdikpen sotqa deıingi tergeý júrip jatyr.

«Ǵalymjan Nııazovqa qatysty eki aıǵa qamaýǵa alý túrindegi bultartpaý sharasy qoldanyldy. Tergeý júrip jatyr. Qosymsha aqparat tergeý múddesine baılanysty taratylmaıdy», - dedi Qarjy monıtorıngi agenttiginiń Mańǵystaý oblystyq departamentinen.


Avtory Arýjan Saptarova



Jańalyqtar

Úrdis

MURAǴAT