Mańǵystaý ákimdiginiń 30 qyzmettik kóligi qalalyq emhanalarǵa berildi

AQTAÝ. QazAqparat - Mańǵystaý oblysynyń ákimi Serikbaı Trumovtyń tapsyrmasymen búgin oblys ákimdiginiń 30 qyzmettik kóligi Aqtaý qalasyndaǵy emhanalarǵa berildi, dep habarlaıdy QazAqparat tilshisi.

Pandemııa kezinde mobıldik toptaǵy ýchaskelik dárigerler turǵyndardyń shaqyrtýyna endi osy kóliktermen barady. Bul, emhanalardaǵy kólik tapshylyǵyn azaı̆tý úshin qolǵa alynyp otyr.

Qazirgi kezde ákimdik qyzmetkerleriniń bir bóligi onlaı̆n rejıminde jumys isteı̆di. Sol sebepti, memlekettik qyzmetkerler osy kólikter qazirgi kezde dárigerlerge qajet dep sanaı̆dy.

Aı̆ta keteı̆ik, oblys ákimdigi kólikterdi dezınfektsııalaýdy, janar-jaǵarmaı̆ quıýdy, kólik júrgizýshilerin jeke qorǵanysh quraldarymen qamtý jáne ózge de shyǵyndardy óz moı̆nyna alady.

Aıta keteıik, Memleket basshysy Qasym-Jomart Toqaev televızııalyq úndeýinde mobıldi toptardyń sanyn 3,5 myńǵa deıin arttyrý kerektigin aıtqan bolatyn. Soǵan sáıkes Mańǵystaý oblysynda da mobıldi toptar quryldy.