+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Máńgilik polk» áleýmettik jelisi Panfılov dıvızııasyn jınaıdy

2016 jylǵy 1 tamyz 11:33
Bólisińiz:
«Máńgilik polk» áleýmettik jelisi Panfılov dıvızııasyn jınaıdy

ASTANA. QazAqparat - Soǵys ardagerleri men urpaqtaryna arnalǵan, «Reseı máńgilik polky» jalpyreseılik qoǵamdyq qozǵalysynyń bastamasymen ashylǵan áleýmettik jeli kúnnen-kúnge jańa paıdalanýshylarmen tolyǵyp keledi. Uly Otan soǵysy jaýyngerleriniń urpaqtary resýrsqa óz ata-babalary jaıly málimetterdi tirkep jatyr.

Osylaısha, polkrf.ru saıtyna ataqty Panfılov dıvızııasy jınala bastady - aty ańyzǵa aınalǵan general Panfılovtyń nemeresi Aıgúl Baıqadamova jáne sońǵy kózi tiri panfılovshy, máskeýlik Vladımır Býrtsev áleýmettik jelige tirkeldi, dep jazady «Izvestııa» gazeti.

Basylymnyń habarlaýynsha, «Máńgilik polk» saıty UOS ardagerleri urpaqtary bir-birin qıyndyqsyz tabý úshin áleýmettik jeli tehnologııalaryn paıdalana bastaǵan. Olar burynǵy KSRO aýmaǵynda ǵana emes, álemniń túkpir-túkpirinde ómir súrgendikten, áleýmettik jeli ózine 300 mıllıon qoldanýshyny syıǵyza alady.

«Reseı máńgilik polky» jalpyreseılik qoǵamdyq qozǵalysynyń teń tóraǵasy Nıkolaı Zemtsov óz týysynyń soǵys jolyn, qyzmet etken meken-jaıyn, alǵan nagradalaryn jazǵan adam onyń maıdandas dostaryn taýyp, balalarymen, nemerelerimen baılanysa alatynyn aıtýda.

Ol birneshe aıdan keıin (qarashada) Máskeý túbindegi Qyzyl armııa shabýylynyń 75 jyldyǵy toılanatynyn eske saldy. Dál sol jerde jeńilmeıtin nemis áskeri jaıly mıf seıilgen edi. Buǵan deıin eki aı boıy aýyr shaıqastar ótti, onda general-maıor Ivan Panfılovtyń basshylyǵyndaǵy ataqty 316-atqyshtar dıvızııasy erekshe kózge tústi.

Onyń negizgi jaýyngerleri Qazaq KSR Almaty jáne Qyrǵyz KSR Frýnze qalasynyń turǵyndary edi. Ásirese 1075-atqyshtar polkynyń 2-batalony 4-rota quramyndaǵy 28 jaýynger keń tanymaldylyqqa ıe boldy. Sol 28 jaýyngerdi batyr-panfılovshylar dep ataǵan.

General Panfılovtyń nemeresi Aıgúl Baıqadamova jaýynger-panfılovshylardyń urpaqtaryn biriktiretin qaýymdastyq qurýdy burynnan armandaǵanyn aıtty. Endi mine, onyń armany júzege asty.

- Meniń atam general Panfılov qyzmet etken ataqty dıvızııa jaýyngerleriniń barlyq urpaqtary osy saıtta jınala alady. Tek qana Qazaqstan men Qyrǵyzstan emes. Qarapaıym izdeý júıesi arqyly álemniń túkpir-túkpirinen qarýlas dostaryn taýyp, onyń urpaqtarymen baılanys ornatýǵa bolady. Osylaısha, biz jaýyngerlerdiń urpaqtary dıvızııa jaýyngerleri men ofıtserleri jaıly otbasylyq arhıvte jatqan barlyq málimetterdi bir jerge jınaı alamyz, - dep atap ótti general Panfılovtyń nemeresi.

Generaldyń nemeresinen keıin áleýmettik jelige sońǵy kózi tiri panfılovshy, 90 jastaǵy máskeýlik Vladımır Býrtsev tirkeldi.

Áleýmettik jelinis ilgeriletýdiń aldaǵy jospary - Panfılov dıvızııasy sekildi basqa da dıvızııa, polk, rotalardy qaıta «qurastyrý» . «Máńgilik polk» portalynda soǵys ardagerleri ǵana emes, tyl ardagerleri, partızandar, soǵys balalary jaıly málimetterdi de engizýge bolady. Batyrlar urpaqtarynda atalary júrip ótken jerlermen tanysý múmkindiigi paıda boldy.

Bizdiń kanalymyzǵa jazylyńyz:

#BAQ   #Álem   #Qoǵam   #Jeńis kúni  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT