Mánerlep syrǵanaýshy Ksenııa Pankratova Qapshaǵaı muz aıdynynda vıdeo túsirdi
ALMATY. QazAqparat- Qazaqstan jastar quramasynyń burynǵy mánerlep syrǵanaýshysy, qazir bapkeri Ksenııa Pankratova óziniń Instagram jelisindegi jazylýshylaryn dalada mánerlep syrǵanaǵan kezekti vıdeosymen qýantty, dep habarlaıdy QazAqparat tilshisi.
Úlken Almaty kólinde mánerlep syrǵanaýmen tanylǵan almatylyq mánerlep syrǵanaýshy Ksenııa Pankratova taǵy da Qapshaǵaı sý qoımasynyń qarly muzynda óner kórsetti.
«Qys ertegisi» dep atalatyn beınebaıanǵa mýzykalyq súıemeldeý retinde sportshy Batyr Shúkenovtyń «Otan ana» ánin tańdady.
Eske salaıyq, osydan eki jyl buryn Ksenııa Pankratova muz qatqan Qapshaǵaı sý qoımasynda qyzyl kóılekpen syrǵanap, jeli qoldanýshylarynyń kózaıymy bolǵan edi.
Sondaı-aq sportshy Soltústik Qazaqstan tabıǵatynyń sulýlyǵyn kórsetken bolatyn. Ol Pavlodar oblysynyń ońtústigindegi Baıanaýyl ulttyq parkiniń aýmaǵynda ornalasqan Jasybaı kólinde syrǵanap, ónerimen kópshilikti tántti etti.
Aıta ketý kerek, 2018 jyly jeltoqsanda sportshy, bapker Ksenııa Pankratova Úlken Almaty kólinde mánerlep syrǵanap, ol kópshiliktiń kóńilinen shyqqan edi.
Vıdeodan alynǵan kadr/instagram.com/pankratova__k
