«Manchester Sıtı» fýtboldan Anglııa chempıony boldy
2022 jylǵy 23 mamyr 01:00

«Manchester Sıtı» fýtboldan Anglııa chempıony boldy

NUR-SULTAN. QazAqparat - Eýropalyq birqatar elderde fýtbol birinshilikteri máresine jetti, dep habarlaıdy QazAqparat tilshisi.

Aǵylshyn Premer-lıgasynda chempıon ataǵyn jeńip alǵan komanda sońǵy týrda anyqtaldy. Oǵan «Manchester Sıtı» jáne «Lıverpýl» úmitker boldy. 38-týrda «Manchester Sıtı» «Aston Vıllany» 3:2, «Lıverpýl» «Výlverhemtondy» 3:1 esebimen súrindirdi.

Nátıjesinde 92 upaı jınaǵan manchesterlik klýb chempıon atansa, olardan bir upaıǵa kem túsken lıverpýldik komanda ekinshi oryndy mise tutty.

Sondaı-aq, Italııanyń A serııasynda da altyn medal anyqtaldy. On jyldan astam ýaqyttan keıin «Mılan» chempıondyq tuǵyrǵa kóterildi. Odan keıingi oryndardy «Inter» jáne «Napolı» komandalary ózara bólisti.

Al 21 mamyrda Frantsııanyń birinshi lıgasy máresine jetti. Chempıon ataǵy «Parı Sen-Jermen» komandasyna buıyrsa, júldegerler qatarynan «Marsel» men «Monako» kórindi.

Germanııa býndeslıgasy 14 mamyrda dop dodasyn qorytyndylaǵan edi. On jyl boıy qatarynan «Bavarııa» bas júldeni eshkimge ustatpaı keledi. Odan keıingi oryndardy «Borýssııa Dortmýnd» jáne «Baıer» komandalary enshiledi.

Dál qazir Ispanııa prımerasynda 38-týr oıyndary ótkizilýde. Birneshe týr buryn «Real Madrıd» altyn medalǵa ıe bolsa, «Barselona» kúmis júldeger atandy. Al úshinshi orynnan «Atletıko Madrıd», «Sevılıa» jáne «Betıs» komandalary úmitker bolyp otyr.

Eske salsaq, budan buryn fýtboldan birinshi lıgada «Qaısar» kósh basyna shyqty.



Uqsas jańalyqtar

Jańalyqtar

MURAǴAT