+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

«Manas» jyrynyń qazaqsha nusqasyn 67 kúnde jazyp shyqtym – Baıanǵalı Álimjanov

2020 jylǵy 23 qyrkúıek 13:10
Bólisińiz:
«Manas» jyrynyń qazaqsha nusqasyn 67 kúnde jazyp shyqtym – Baıanǵalı Álimjanov

NUR-SULTAN. QazAqparat – Bul kitaptyń ereksheligi – jyrdyń eń qýatty, kórkem, poetıkalyq jerlerin, Manastyń rýhyn bere alatyn jerleri qara sózben túıindelip jazylǵan. Bul týraly Dostyq úıinde halyqaralyq Túrki akademııasy jáne Qazaqstan halqy Assambleıasynyń uıymdastyrýymen ótken «Bekem baýyrlastyq baılanystar: Manastan Abaıǵa deıin» atty alqaly jıynda aıtyldy, dep habarlaıdy QazAqparat tilshisi.

Uqsas jańalyqtar
Atyraýda jazýshy Rahymjan Otarbaev atyndaǵy syılyqtyń jeńimpazdary anyqtaldy Sábıt Muqanovtyń biz bilmeıtin qyrlary kóp - akademık Zarqyn Taıshybaı Almatyda jazýshy Jumabaı Shashtaıulynyń «Qyzyl qar» romanynyń tusaýy kesildi

«40 jylǵa jýyq ýaqyt boıy osy Manas jyry týraly aıtyp kele jatyrmyn. Ony qazaqtyń jyryndaı jaqsy kórdim, biraq «Manasty» qazaq tiline aýdaramyn degen oı basyma kelmegen. 2019 jyly qarasha aıynda Qyrǵyzstanda qazaq-qyrǵyz zııalylarynyń basqosýy boldy. Ony Halyqaralyq túrki akademııasynyń basshysy Darhan Qydyráli uıymdastyryp, ol jaqqa birge baryp kelý týraly usynys aıtty. 1 jeltoqsan kúni tańǵa jýyq «Manas» jyrynyń alǵy sózi ǵaryshtan quıylyp kele qaldy. «Manas» jyrynyń bas jaǵyn ár manasshy ártúrli aıtady. Men oıyma kelgen alǵashqy joldaryn qaǵazǵa túrtip qoıdym da, «Manasty» qazaqsha aıtyp shyǵý týraly oılandym. Muhtar Áýezov bastap shyǵarǵan 4 kitap – sırek kezdesetin kitap. Balalar úshin ol qoljetimdi emes. 4 tomdyq kitapta 100 myń jol óleń bar. Ony qarapaıym oqyrman túsine bermeıdi. Qyrǵyzdardyń ózi «Manasty» balalarǵa qalaı oqytý jolyn qarastyryp, 1 topqa syıǵyzyp shyǵarǵan kitaby da bar», - deıdi jyrshy, manasshy Baıanǵalı Álimjanov.

Onyń aıtýynsha, jyrdyń orta tusyna kelgende Túrki akademııasynyń prezıdenti Darhan Qydyrálige habarlasqan.

«Oǵan óz oıymdy jetkizip edim, ol bul keremet jańalyq ekenin aıtty. «Manasty» tolyq qazaqsha aıtyp shyqtym. Bul kitaptyń ereksheligi – jyrdyń eń qýatty, kórkem, poetıkalyq jerlerin, Manastyń rýhyn bere alatyn jerleri qara sózben túıindelip jazylǵan. Jyrdy bolashaq urpaqqa yqshamdap, túsinikti tilde aıtyp bergim keldi. «Manas» jyryn ár manasshy ózinshe aıtady. Jyrdyń negizgi oqıǵasy bireý bolǵanmen, onyń jetkizilýi, túıindelýi ártúrli», - deıdi ol.

Eske sala ketsek, jyrshy, manasshy Baıanǵalı Álimjanov «Manas» dastanyn óziniń keremet sheberligimen qazaqshalap shyqqany týraly jazǵan edik.


Foto: www.elana.kz

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT