MÁMS: Aýyrmaǵan adamǵa saqtandyrý úshin aýdarǵan aqshasy qaıtaryla ma

NUR-SULTAN. QazAqparat – «Áleýmettik medıtsınalyq saqtandyrý qorynyń» Nur-Sultan qalasy boıynsha fılıalynyń dırektory Aıdar Sıtqazınov azamat bir jyl boıy aýyrmaǵan jaǵdaıda mindetti saqtandyrýǵa aýdarǵan aqshasy qaıda jumsalatynyn aıtty, dep habarlaıdy QazAqparat tilshisi.

«Eger osy jyly aýyrmaǵan bolsańyz - saqtandyrýǵa aýdarǵan aqshańyz qaıtarylmaıdy. Medıtsınalyq saqtandyrýdyń qaǵıdasy: deni saý adam naýqas úshin, baı adam kedeı adam úshin tóleıdi. Eger bıyl aýyrmaǵan bolsańyz – saqtandyrýǵa aýdarǵan aqshańyz aýyrǵan adamdardyń emine jumsalady. Al eger kelesi jyly siz aýyryp qalsańyz – saqtandyrýǵa qansha jınaǵanyńyzǵa qaramastan, sizge de tolyq medıtsınalyq qyzmet túrleri kórsetiledi», - dedi Aıdar Sıtqazınov búgin elorda ákimdiginde ótken baspasóz máslıhatynda.

Sondaı-aq, ol ne sebepti jeke klınıkalar da qarjylandyrylatynyn túsindirdi.

«Munyń bári medıtsınalyq uıymdar arasynda báseke bolýy úshin kerek. Báseke bolǵan jerde jumys sapaly bolady», - dedi ol.