+7 (701) 759 90 19
USD 378.86 EUR 416.78
RUB 6.06 CNY 54.62
Jańalyqtar

Mamınniń AQSh-qa sapary: Amerıkalyq agrobıznes lıderleri Qazaqstanǵa ınvestıtsııa salady

2019 jylǵy 10 jeltoqsan 09:03
Bólisińiz:
Mamınniń AQSh-qa sapary: Amerıkalyq agrobıznes lıderleri Qazaqstanǵa ınvestıtsııa salady

Uqsas jańalyqtar
Asqar Mamın jumysy baıaý ákimderdi synǵa aldy QR Úkimeti men EQQDB arasynda QR densaýlyq saqtaý ınfraqurylymyn jańǵyrtý kelisimi jasaldy Amerıkalyq jetekshi venchýrlyq qor qazaqstandyq startaptardy ınvestıtsııalaıdy

VAShINGTON. QazAqparat - QR Premer-Mınıstri Asqar Mamınniń AQSh-qa jumys sapary aıasynda amerıkalyq agrobıznes ókilderimen Qazaqstanda et óńdeý kásiporyndaryn jáne sýarý júıeleri óndirisin ashý týraly ýaǵdalastyqtarǵa qol jetkizildi. QazAqparat bul týraly primeminister.kz saıtyna silteme jasap.

A. Mamınniń asa iri et ónimderin óndirýshi - «Tyson Foods» kompanııasynyń basshylyǵy - prezıdenti N. Ýaıtpen jáne dırektorlar keńesiniń tóraǵasy D. Taısonmen kelissóziniń qorytyndysy boıynsha, Qazaqstanda zamanaýı agro-mýltıproteın ındýstrııasyn damytý baǵdarlamasyn iske asyrý týraly kelisimge qol qoıyldy.

Bul qujat birinshi kezeńde QR-da qýattylyǵy táýligine 2 myńǵa jýyq mal basyn quraıtyn zamanaýı et óńdeý keshenin salýdy qarastyrady. Kásiporyn qazaqstandyq naryqtyń qajettilikterin ótep qana qoımaı, ónimdi shetel naryqtaryna eksporttaýǵa múmkindik beredi. Osylaısha, eldegi jyldyq aýyl sharýashylyǵy kirisin 1 mlrd dollardan astam somaǵa qamtamasyz etýge yqpalyn tıgizedi.

«Tyson Foods» - Qazaqstanǵa et óńdeýdi damytýǵa jáne fermerlik sharýashylyqtardyń mal basyn arttyrýǵa serpin berýi úshin qajetti tájirıbesi bar álemdik deńgeıdegi kompanııa. Kásiporyndy ashý et ındýstrııasynyń ǵana emes, AÓK-tiń basqa da shektes salalaryn - veterınarııany, agrarlyq mashına jasaýdy, mal azyǵy daqyldaryn ósirýdi, mal bordaqylaý alańdaryn ashýdy jáne taǵy basqasyn yntalandyratyn bolady. Joba Qazaqstannyń aýyl sharýashylyǵynda ondaǵan myń jańa jumys ornyn qurýǵa múmkindik beredi», - dedi A. Mamın.

«Tyson Foods» 1935 jyly qurylǵan, kompanııa aınalymy 42,4 mlrd dollardy quraıdy, jumyskerler sany - 141 myń adam.

«Tyson Foods» qazaqstandyq «Kusto Group» kompanııasymen birlesken jobany júzege asyrady. Óndiristik tsıklde qazaqstandyq fermerlerge «Ekstenshn» amerıkandyq qyzmetiniń úlgisi boıynsha aqparattyq-konsýltatsııalyq qyzmet kórsetý qoldaýy bar. Onda keńes berý, jergilikti jerlerde kadrlardyń biliktiligin arttyrý jáne kásiptik-tehnıkalyq oqytý qarastyrylǵan.

Úkimet basshysy Arkanzas shtatyndaǵy Sprıngdeıl qalasyna jáne Nebraska shtatyndaǵy Dakota-Sıtı qalasyna baryp, «Tyson Foods» kompanııasynyń óndiristik qýattylyqtarymen, tehnologııalyq protsesimen jáne ǵylymı-zertteý jobalarymen tanysty.

Sondaı-aq Omaha qalasynda Premer-Mınıstr Nebraska shtatynyń gýbernatory D.P. Rıkettspen jáne sýarý júıeleri naryǵyndaǵy kóshbasshy «Valmont Industries» kompanııasynyń prezıdenti S. Kanıevskımen kezdesti.

Taraptar mehanıkalandyrylǵan sýarý, telekommýnıkatsııalar, jańartylatyn energetıka, ınfraqurylymdyq qurylys, sondaı-aq agrarlyq ǵylym, bilim salalaryndaǵy yntymaqtastyq perspektıvalaryn jáne tájirıbe almasý máselelerin talqylady.

Kelissóz qorytyndysy boıynsha, A. Mamınniń jáne P. Rıkettstiń qatysýymen QR Aýyl sharýashylyǵy mınıstrligi, «Kusto Group» qazaqstandyq kompanııasy jáne «Valmont Industries» arasynda Qazaqstan Respýblıkasynda tıimdi sýarý jáne aýyl sharýashylyǵyndaǵy ónimdilikti jaqsartý qaǵıdattary týraly Kelisimge qol qoıyldy.

Qujat Qazaqstanda 2022 jyly qýattylyǵy jylyna 1 myń mashına forntaldi jáne aınalma sýarýdy quraıtyn «Valley» ırrıgatsııalyq júıelerin óndirý zaýytyn salýdy qarastyrady. Amerıkandyq ırrıgatsııa tehnologııalary ósimdik sharýashylyǵynyń ónimdiligin arttyryp, aýyl sharýashylyǵyndaǵy sý shyǵynyn 50%-ǵa azaıtýǵa múmkindik beredi.

Budan ári Qazaqstandaǵy kásiporyn óndirisin telekommýnıkatsııalarǵa, jańartylatyn energııa men ınfraqurylymdyq qurylysqa arnalǵan jabdyqtar shyǵarýǵa deıin keńeıtý josparlanǵan. QR-da óndiriletin ónim otandyq naryq qajettilikterin qamtamasyz etip qana qoımaı, syrtqy naryqtarǵa eksporttyq áleýetti damytýǵa jol ashady.

«Valmont Industries» ozyq tehnologııalaryn paıdalaný ósimdik sharýashylyǵy jáne mal sharýashylyǵy úshin jem-shóp bazasyn qurýda mýltıplıkatıvti áser beredi», - dedi A. Mamın.

Premer-Mınıstr Qazaqstannyń 2022 jylǵa qaraı sýarmaly jerler kólemin 1,4 mln gektardan 2 mln gektarǵa deıin, al 2030 jylǵa qaraı - 3 mln gektarǵa deıin arttyrýdy kózdep otyrǵanyn atap ótti.

«Valmont Industries» bas keńsesin aralaý kezinde Úkimet basshysy kásiporynnyń óndiristik qýattylyqtarymen jáne tehnologııalyq protsesimen tanysty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT