+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Mamandar Mańǵystaýdyń Baıandy aýylynda joldyń sapasyz salynǵanyn anyqtady

2020 jylǵy 15 shilde 15:28
Bólisińiz:
Mamandar Mańǵystaýdyń Baıandy aýylynda joldyń sapasyz salynǵanyn anyqtady

BAıANDY. QazAqparat - Mańǵystaý oblysy Baıandy aýylyndaǵy jol sapasyna baılanysty «Jol aktıvteri ulttyq sapa ortalyǵynyń» qorytyndysy shyqty, dep habarlaıdy QazAqparat.

QR ındýstrııa jáne ınfraqurylymdyq damý mınıstri Beıbit Atamqulovtyń tapsyrmasy boıynsha Mańǵystaý oblysy Baıandy aýylyndaǵy sapasyz salynǵan joldyń qurylysyn «Jol aktıvteri ulttyq sapa ortalyǵynyń» ınjenerleri baryp, tekserý júrgizgen bolatyn.

«Kóterilgen másele boıynsha birqatar kemshilikter anyqtaldy. Smetalyq qujat durys jáne tolyq jasalmaǵan, 6 kóshege ortaq bir ǵana qujat ázirlengen. Sondaı-aq, aqaý tizimdemesinde geometrııalyq sıpattamalary, ıaǵnı kóshe uzyndyǵy, tósemniń qurylymdyq qabattarynyń eni jáne qalyńdyǵy da kórsetilmegen. Zaýyttan shyqqan asfalt-beton qospasy normatıvtik talaptarǵa saı bolǵanymen, merdiger mekeme tóseý kezinde qatelikter jibergen. Sonymen qatar, qarastyrylǵan qujatta negizdi óńdeýge arnalǵan bıtýmnyń shyǵyny normadan eki esege az kórsetilgendikten, asfalt tósemi men astyńǵy qabaty bir-birimen durys qabyspaýyna ákelip soqty» delingen habarlamada.

Tehnıkalyq qujattar saraptamasynyń jáne tehnıkalyq qadaǵalaýdyń bolmaýy osyndaı aqaýlardyń oryn alyna ákelip otyr.

«Munyń bári mamandardyń kásibı deńgeıiniń tómendigin kórsetedi» deıdi mamandar.

Eske sala keteıik, buǵan deıin birqatar resýrstarda jáne áleýmettik jelilerde Mańǵystaýdyń Baıandy aýylyndaǵy jol sapasy synǵa ushyraǵan bolatyn. Turǵyndar eldi meken ishine jańadan tóselip jatqan asfalt sapasyna kúmánmen qarap, áli qatyp úlgermegen jol materıalyn qolmen kóterip, astynyń bos ekenin kórsetken edi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT