Maman tapshy óńirlerge barǵan muǵalimderdiń jalaqysy 150%-ben tólenedi – mınıstrlik
2022 jylǵy 21 maýsym 17:27

Maman tapshy óńirlerge barǵan muǵalimderdiń jalaqysy 150%-ben tólenedi – mınıstrlik

NUR-SULTAN. QazAqparat – Maman tapshy jáne bilim sapasy nashar óńirlerge baryp jumys isteıtin muǵalimder úshin respýblıkalyq bıýdjetten qarjy qaralyp otyr. Bul týraly QR Oqý-aǵartý mınıstrligi mektepke deıingi jáne orta bilim komıtetiniń tóraǵasy Gúlmıra Kárimova málim etti, dep habarlaıdy QazAqparat tilshisi.

«Maman tapshy jáne bilim sapasy nashar óńirlerge baratyn muǵalimderge respýblıkalyq bıýdjetten qarjy qaralyp otyr. Ol úshin pedagog birneshe kezeńnen turatyn synaq tapsyrady. Baǵdarlamaǵa qatysyp jeńimpaz atanǵan muǵalimderdiń jalaqysy 150 paıyzben tólenetin bolady. Sonymen qatar jergilikti atqarýshy organdarmen birlesip otbasyly ustazdardy ornalastyrý, balalaryn mektepke berý sekildi máseleler sol jerde sheshiledi. Sonymen qatar tapsyrmany sátti oryndap, joldama alǵan muǵalimder barǵan jerinde 4 apta boıy biliktiligin arttyrady», - dedi Gúlmıra Kárimova mınıstrliktiń «Oqu-ağartu LIVE» jobasynyń tikeleı efırinde.

Komıtet basshysynyń aıtýynsha, maman tapshy jáne bilim sapasy nashar óńirlerge baratyn pedagogtermen 5 jyldyq kelisimshart jasalady.

Buǵan deıin habarlaǵanymyzdaı elimizde muǵalim tapshylyǵy bar jáne bilim sapasy nashar óńirlerge úzdik pedagogterdi tartýǵa arnalǵan jańa baǵdarlama iske qosyldy .

Aıta ketsek, QR Oqý-aǵartý mınıstrliginiń málimetine sáıkes, Túrkistan, Atyraý, Mańǵystaý jáne Almaty oblysynda pedagogter tapshy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT