Qoldanwşı baptawları
Qoldanwşı baptawları
+7 (701) 759 90 19 Lenta
Astana: 25 °S
Almatı: 34 °S
USD 340.27 EUR 396.31
RUB 5.39 CNY 52.39
Jañalıqtar

Malayzïyanıñ zeynetaqı qorı Qazaqstanmen bіrlesken jobalardı qarastırwğa nïetі bіldіrdі

2017 jılğı 11 qaraşa 00:50 1230
Bölіsіñіz:
Malayzïyanıñ zeynetaqı qorı Qazaqstanmen bіrlesken jobalardı qarastırwğa nïetі bіldіrdі

ASTANA. QazAqparat - Qazaqstannıñ Malayzïyadağı Elşіsі Danïyar Sarekenov «KWAP» malayzïyalıq zeynetaqı qorınıñ Bas atqarwşı dïrektorı Dato Van Kamarazwman jäne «MRCB» kompanïyasınıñ basqarwşı dïrektorı Tan Srï Moxamad Salïmmen kezdestі, dep xabarlaydı QazAqparat QR SІM baspasöz qızmetіne sіlteme jasap.

Kezdesw barısında elşі Qazaqstannıñ ïndwstrïaldı-ïnnovacïyalıq jobalarınıñ jäne ïnvestïcïyalıq klïmatı jayında bayandadı. Taraptar ïnvestïcïyalıq ärіptestіk mäselelerіn jäne 2016-2020 jıldarğa arnalğan memlekettіk jekeşelendіrw bağdarlamasına «KWAP» pen «MRCB» qatısw mümkіndіkterіn talqıladı.

Dato Van Kamarazwman men Tan Srï Moxamad Salïm qazaqstandıq tarapımen ıntımaqtastıqtı keñeytwge mümkіndіk berwіne qızığwşılıq tanıttı jäne jeltoqsan ayında «Samruq-Qazına» Ulttıq äl-awqat qorı, Astana qalasınıñ äkіmşіlіgі, Astana Xalıqaralıq qarjı ortalığı men «KAZAKHINVEST» Ulttıq kompanïyası» AQ basşılığımen bіrlesken älewettі jobalardı talqılaw üşіn Qazaqstanğa barwğa nïettі ekendіkterіn jetkіzdі.

Ayta keterlіgі, «KWAP» - Malayzïyadağı ekіnşі orında turğan іrі zeynetaqı qorınıñ bіrі. Onıñ qarjı aktïvterі şamamen 30 mlrd AQŞ dolları şamasında. Zeynetaqı jïnaqtarın basqarw ayasında qor el іşіnde jäne şet elderde belsendі ïnvestïcïyalıq jumıs jasawda. Bügіngі tañda «MRCB» eldegі qurılıs, ïnfraqurılımdı damıtw jäne ïnjïnïrïng salalarındağı aldıñğı qatarlı kompanïyalardıñ tіzіmіne kіredі.

 

 


Bastı sözder: Zeynetaqı jüyesі, QR SІM,
Bölіsіñіz:
Onlayn qızmetkerler
Redaktor
Erbol Janat
Erbol Janat
954-059
Murağat