Maqtaaraldyq jastarǵa «nóldik» tózimdilik qaǵıdasy túsindirildi

MAQTAARAL. QazAqparat – Túrkistan oblysy, Maqtaaral aýdanynda jastarǵa «nóldik» tózimdilik qaǵıdasy túsindirildi. Sharany «Kúreń tulpar» qoǵamdyq birlestiginiń uıymdastyrdy, dep habarlaıdy QazAqparat tilshisi.

Jastardyń quqyqtyq saýattylyǵyn arttyrý maqsatynda ótken kezdesýge Maqtaaral aýdany PB JPQ ıÝPT ınspektory men «Kúreń tulpar» qoǵamdyq birlestiginiń múshesi, úzdik jas bloger Oljas Mamyr, Maqtaaral aýdandyq «Jastar resýrstyq ortalyǵy» KMM basshysy Súndet Kenjebaev qatysty.

Kezdesý barysynda qoǵamda jıi oryn alatyn zańbuzýshylyqtar men usaq tártipsizdikter jaıynda aıtylyp, aldyn alý sharalary túsindirildi. Sonymen qatar, ótken jyldyń úzdik blogeri atanǵan Oljas Mamyr búginde qoǵamda keńinen qanat jaıǵan áleýmettik jeli paıdalanýshylarynyń mádegıettiligi men quqyqtyq saýattylyǵy, jaýapkershiligi jaıynda keńinen sóz qozǵady.

Áleýmettik jeliniń paıdasy men zııanynyń arajigin ajyratyp berdi. Óz kezeginde polıtsııa ınspektorlary atalmysh kolledjdiń tártibi men tárbıe jumystarynyń nátıjesinde sońǵy 2 jylda kolledj oqýshylary birde-bir tártip buzbaǵan, buzaqylyq nemese qylmystyq is-áreketterge barmaǵan.