+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Maqtaaraldaǵy sý basqan Órgebas aýylynda alǵashqy 66 úıdiń irgetasy qalandy

2020 jylǵy 25 maýsym 20:53
Bólisińiz:
Maqtaaraldaǵy sý basqan Órgebas aýylynda alǵashqy 66 úıdiń irgetasy qalandy

MAQTAARAL. QazAqparat – Maqtaaral aýdanyndaǵy sý shaıǵan Órgebas aýylynda alǵashqy 66 úıdiń irgetasy qalanyp, 20 úıdiń shatyry jabyldy. Sondaı-aq, 20 úıdiń qabyrǵasy órilip, birinshi jappasyn jabý jumystary júrgizilýde, dep habarlaıdy QazAqparat tilshisi.

195 turǵyn úı bar Órgebas aýylynda búgingi tańda 145 baspana tolyq buzylyp, qurylys júrip jatyr. Al, 50 úıdi buzbaýǵa turǵyndardyń ózderi ótinish bildirgen. Atalǵan aýylǵa jaýapty bolyp bekitilgen Jetisaı aýdany ákiminiń orynbasary Serik Pirimbekovtyń aıtýynsha, 195 úıdiń 184-ine 8,5 mln teńgeden aýdarylǵan.

Qalǵan qarjy ekinshi transhpen aýdarylady. Baspanasyn ózderi salatyn turǵyndarǵa qurylys materıaldaryn jetkizip berý jumystarynda qolbaılaý joq. ıAǵnı, Jetisaı aýdandyq ákimdigi qurylys materıaldaryn shaǵyrýmen aınalasatyn kásipkerlermen kelisip, qajetti materıaldardy der kezinde jetkizip berý úshin kelisimshart jasalǵan.

«Qurylys materıaldaryn shyǵaratyn nemese satatyn kásipkerlerdi osynda arnaıy shaqyrtyp, aýyl turǵyndarymen kezdesý ótkizdik. Sonyń arqasynda búgingi tańda qurylys materıaldarynan tapshylyq joq. Negizinen qurylys materıaldary Shymkent pen Saryaǵash qalalarynan jetkizilýde», - deıdi Jetisaı aýdany ákiminiń orynbasary Serik Pirimbekov.

Aıta keteıik, jalpy Órgebas aýylyndaǵy 195 úıdiń 7-eýinde qujattary jóninde másele týyndaǵan bolatyn. ıAǵnı, 7 úıdiń sý almaı turyp qujattary zańdastyrylmaǵan. Qazirgi tańda bul úı ıeleriniń qujattaryn rásimdeýine kómek berý jumystary júrgizilýde. Budan bólek, órgebastyq 195 otbasynyń bári derlik 1000 AQSh dolllaryna ıaǵnı, ótemaqyǵa qujattaryn túgel tapsyrǵan. Onyń búginde 8 paıyzy ǵana tólenbeı tur.

Óıtkeni bul qujattar komıssııa qaraýynda jatyr. Al, 100 myń teńgelik ótemaqyǵa qujattardy oblystyq qarjy jáne memlekettik aktıvter basqarmasymen birigip, qujattar túgendelgen. Sońynan komıssııaǵa ótkizilip, jaqyn kúnderi aýdarylady dep kútilýde.

«Úı qurylysynan bólek, Órgebas aýylynda úsh kópirdi qaıta qalpyna keltirý men 4 negizgi kóshege tas tóseý, asfalttaýǵa daıyndaý jumystary da qatar jalǵasýda. Qazirdiń ózinde sý tasqynynan oıylyp ketken Mádenıet jáne Birlik kósheleri qalpyna keltirilgen. Sondaı-aq, qoqys jáne qatty qaldyqtardy shyǵarý jáne úı salý jumystaryna Jetisaı aýdany men Ózbekstan Respýblıkasynan kelgen 10 arnaıy tehnıka men 170 jumysshy eńbek etip jatyr»,- dedi Serik Pirimbekov.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT